Followers

Monday, October 31, 2011

ජීවිතය, ජීවිතං අනියතං මරණං නියතං, The life

මාතලන් බ්ලොගයෙන් මා හඳුනා ගත් ඉන්දිකගෙ කාටූන් එකකට මා ලියූ අදහසක්.

ජීවිතය



තැරව්කාරයෝ
අත හුවමාරු වන


සල්ලි කොල දෙකකට
මිල නියම කර
දන් ගෙඩිය මතට දැක්කු...

 මගේ ගෙල
සිඳින තුරු 
පාට පාට ලෝකයක 
සිහින දකිමින්
සතුටින්
ඉන්නා බව (ලෝකයාට)  පෙන්වීමද
ජීවිතය?
----------------------
පසුබිමේ සංවාදයක්
"මේ හොඳටම මදි තව කීයක් හරි දීපන්, මේ කෑලි හොයා ගන්න ඒක ලේසි නෑ දැන්"


"තව තඹ සතයක්වත් බෑ, මේ ගොන් හරකව හිනස්සන්නත් සෑහෙන ගානක් වියදම් කළා."
---------------------------------

ඉන්දිකගෙ 'ජීවිතය' නැමති කාටූනයට ක්ලික් කරන්න

http://2.bp.blogspot.com/-qeA_cXvhD14/ToeYGS57KnI/AAAAAAAAAsI/Liyrspkr8fc/s1600/life+123+23.jpg

Saturday, October 29, 2011

පොඩ්ඩක් තිබේ නම් ලොකු හයියක්- කටුසු කඳුලු

Breaking the Ashes: The Culture of Illicit Liquor in Sri Lanka


Above image is taken from the web
වැඩකරන ජනයාට හවස් අතේ පොඩ්ඩක් තිබේ නම් ලොකු හයියක්, කවුද අකමැති විස්කි ජින් බ්‍රැන්ඩිවලට. ඒත් ඒව මිල අධික නම් ලඟ පාත තැනකින් පොඩි සුදුව අඩියක් දා ගෙන නොදැම්ම වගේ ඉන්න පුලුවන් නම් ඒකෙ ඇති වරද මොකද? වැඩ  නොකරන නිකම්මු ඒවට ඇබ්බැහි උනාට බොන්න නොදන්න අය  බීගෙන පිස්සු නැටුවාට සුමිහිරි පානේ පලි නැත.



ගෝඩා මිශ්‍රනයේ සුවඳට ඉව වැටී ඇවිත් අමාරුවේ වැටෙන කටුස්සන් ගැන හිතා කවුරු හෝ කිව්වොත් මෙය මහ ප්‍රානඝාත අකුසලයක් කියල පුදුම වෙන්න දෙයක් නෑ. (මොකද කස්සිපු ජනසතු කරන්න ලෑස්ති වෙනවලු.
ඒ කියන්නේ නීතිගත කරන්න.) මහා මිනිස් ඝාතන වෙද්දී හෙලන්න කඳුලක් නැති රටේ හරක් වෙනුවෙන් කඳුලු ටැප් එක ඇරියා වගේය.


ඉතින් කටුස්සන් වෙනුවෙන් කඳුලක් හෙලුවොත් පුදුමයක් නොවේ. බීපු මරගාතේ මේක අහල එකෙක් කීවොත් හරි ශෝක් වැඩේනේ ඕයි, කටුස්සො කටුස්සො අර පාට මාරු කර කර ආන්ඩුවම, අපිවම, කන එවුන්, උන් ශීග්‍රයෙන් වඳවෙයි ඉකමනට, එහෙම හිතන එවුන්ටත් පට්ට ඩෝප්ය, උන් දැන් වඳවෙන ජාතියක් නොවේ සීග්‍රයෙන් බෝවෙන ජාතියකි, මං කිව්ව තමුසෙට ඔය දහ ජරාව බොන්න එපයි කියල,  සිහිය හොඳටම විකල් වෙලා එහෙම කියනු ඇත්තේ ගෑනු මනුස්සයාය.


මේ බීම වර්ග වලට ඇබ්බැහි උනොත් ගොඩා බැරල් එකට වැටිච්ච කටුස්ස වගේම තමයි. ගොඩ ඒමකුත් නෑ.
එහෙම වැටුන කටුස්සන්ගෙ ඇස්වලින් කඳුලු පිටවෙලා අපි බොන පානෙටත් එක්කහු වෙනව ඇති නේද?


ජනයාට චාරයක් නැත්නම, සිහි විකල් වෙලා නම් කවුද වඩාත් කැමති ?දේශපාලකයෝය. එතකොට ඔවුන්ට පාලනය බොහෝම ලේසියි.



තව වැඩක් තියෙනව....


මිනිස්සුන්ට සිහිය එනතුරු 
 ගෑනුන් වත් බලාගනී නිරතුරු..




බූන්දියෙ තිබිල කියවු සුමුදු තිවංක ගමගේ ලියල තිබුන සුමිහිරි පානේ ගැන ලියල තිබුන වියමන කියවල කොමෙන්ටුවක් දැම්ම, නමුත් එය මොකක් හෝ දෝශයකින් ගිහිල්ල නෑ වගේ. ඒකටත එක්කම තමයි මේ පොඩි කටුසු කඳුල ලිව්වෙ.


----------------------------------------------


සෙක්ස්-අඩස්සිය ඒකත් හොඳ ලිපියක්
http://www.boondi.lk/CTRLPannel/BoondiArticles.php?ArtCat=COVR&ArtID=2118)
-----------------------

Breaking the Ashes. The Culture of Illicit Liquor in Sri Lanka. By Michele Ruth Gamburd

Breaking the Ashes. The Culture of Illicit Liquor in Sri Lanka. By Michele Ruth Gamburd. Cornell University Press, Ithaca, NY, 2008, £11.50. 266 pp. ISBN: 978-0-8014-7432-3
In Sri Lanka, ‘breaking the ashes’—rekindling the kitchen fire—is used to describe the need for a drink first thing in the morning by people who have an alcohol problem. The author, Michele Ruth Gamburd, is an American anthropologist who has worked in the country since 1992 with the help of a local research assistant, Siri, and his family. The fact that Siri is a heavy social drinker may have encouraged her to study this aspect of life in an anonymous village of 1100 inhabitants south of the capital Colombo. Many features of the alcohol scene, which she describes in considerable detail, will be only too familiar to western readers, but the novelty of her story lies in the complex cultural and social attitudes of the people towards alcohol.
Seventy percent of the population are Buddhists for whom alcohol is forbidden. On the whole, women do not drink, but like their sisters everywhere and in all ages, prepare and provide the wherewithal; ‘men can drink, do drink and often must drink’ to preserve their masculinity. This in itself causes trouble because the men may spend their earnings on drink, leaving their wives without enough money for the family. Status too demands that large amounts of alcohol are provided for coming of age ceremonies, weddings and funerals. All varieties of alcohol are available, either imported or produced locally—toddy and arrack, respectively, fermented and distilled from the sap of the coconut—and are sold in bars, but they are not cheap. Hence, the thriving cottage industry produces the local moonshine called kasippu, which rightly fascinates the author, and thus the reader.
Because it is illegal, kasippu is prepared in secret by certain families, whose facilities may be deep in the forest to avoid detection and sold from their premises in what the author calls taverns. It is made from fermented fruit by fractional distillation and requires large amounts of water and considerable manpower so that it can be produced as rapidly as possible to avoid detection. It is cheap, a quarter the legal price; relatively pure, the same strength, roughly 30% alcohol per volume, as arrack; and thought to be drunk by well over half the men in the village. Periodic police raids have little permanent effect and kasippubusinessmen make a lot of money. As elsewhere in the developing world, there are few facilities, either ayurvedic or allopathic, for treating people with alcohol problems in Sri Lanka; making vows to the wrathful goddess Kali seems to be one of the more effective.

Friday, October 28, 2011

හිත එලිය කරන දෙයක් දිහා බලමු


http://janinesmith54.deviantart.com/art/Brighten-your-Day-311176531




ඳුරු දවස් මං අකමැතිම දවස්
එලියෙ තියෙන මහ මූසල අඳුරු ගතිය
 අප තුලටත් කාන්දු වෙනව 
සිත අඳුරු කරනව,  මූසල කරනව තෙරපනව


ඒ වෙලාවට මං බලන්නේ
හිත එලිය කරන දෙයක් දිහා
රතු  නා දලු
පාරේ සිග්නල් ලයිට්වල තිබෙන
රතු කහ කොල එලි
තද පාට ඇඳුම් ඇඳගත් මිනිසුන් දිහා
වල් ගස් වුවත් පාට පාට මල් දිහා


ඒක වරදක්ද?

Thursday, October 27, 2011

සිතක් තිබුන පලියට



කට තිබුන පලියට කතා කරන්න එපා නම්
(කට/දිව තිබුන පලියට සැමදේ කන්න එපානම්)

කන් තිබුන පලියට සැමදේ අහන්න එපානම්

ඇස් තිබුන පලියට සැමදේ බලන්න එපානම්

නාස තිබුන පලියට සැමදේ ඉඹින්න එපානම්

සම තිබුන තිබුන පලියට සැමදේ ස්පර්ශකරන්න එපානම්

ඇයි අපි ඕනෑවට වඩා යම් යම් දේ ගැන හිතන්නේ




නිල් මානෙල්, නෙලුම් මල් ආදිය හැදෙන්නෙ ජලයේ

මුල් මඩේ උනත් උඩට ඇවිත්

ලස්සනට පිපිල

මට හිතෙන්නෙ හිතත් ඒ වගේ

ශරීරයක් නැතිව හිතකට පවතින්න පුලුවන්ද?

හිතන්න බැරි ශරීරයක් මොකක් වගේද?
විලක් පතුලෙ නිකම් නිකං මඩ ගොහොරුවක්! ?


ඕන්න මං ආයේ ඕනෙ නැති දේවල් ගැන
හිතනව ඕනවට වැඩියේ?

-------------------
photo  by courtesy of
http://www.apartmenttherapy.com/planttherapy-lo-2-11710

Wednesday, October 26, 2011

පාස් උනොත් නංගිල ලකී නැත්නම් ජුකී -විශ්ව විද්‍යාලයට යන්නම ඕනද ? ධන(ය) ආත්මක චින්තනයේ දිගුවකි, පෝසත් වෙන විදියකි

GCE O/L GCE O/LGCE O/LGCE O/L
GCE A/L GCE A/L GCE A/L GCE A/L MBBS
Bsc, BCom LLB, AAT, CIMA, MSc, PHD, Mphill



මං මේ කියන්න යන දෙයින් මට දෙමාපියන්ගෙන් දෝසාරෝපන අහන්න වෙයිද මන්ද?  මේ ලියන දේ 100%ක් හදවතට එකඟද නැත. ඒත් මෝඩ අදහස් කියල දෙයක් මේ ලෝකෙ නෑ.  මෙය කියවීමෙන් ඥාණවන්තයකුට හොඳ අදහසක් පහල වෙන්න පුලුවන් නිසා මෙය ලියමි.

මේ වසරේ උසස පෙල විභාගෙ ප්‍රතිපල එන්න කිට්ටුයි නේද? පපුව ඩොග් ඩොග් ගාලා ගැහෙමින් ඉන්න කාලෙ; විභාගෙ ෆේල් උනොත් ලෝකෙම විනාශ වෙනවද?
මම ගනිතයට 90%ක් ගන්න කොට අම්ම කියනව බයෝ කරන්න කියල. ඒක තමයි මං ෆේල් උනේ!
මේ වගේ හෙතු වශයෙන් දේවලුත් තියෙනව ලමයින්ගේ අසාර්තකවීම්වලට.

විභාගේ සමත් උනත් අසමත් උනත් ජීවිතේ පටන් ගත්ත විතරයි. අවුරුදු 18 කියන්නේ හිරිමල් ජව සම්පන්න වයස. මම උපෙ විභාගෙ කරල ප්‍රතිපල එනකම් වැඩකලා ටුවරිස් හෝටලේක, ඇත්තටම මහ ගොඩක් අත් දැකීම් ලබාගන්න පුලුවන් තැනක්. ඒක පැත්තකින් තියමුකෝ.

විභාගේ සමත් වූවන්ගෙත් 85%කට සරසවි දොර වැහෙනව. මොකද්ද මේ විකාරේ. මොන බම්බුවකටද එහෙනම් මේ වැනි විභාගයක් තියන්නෙ. මට වෙලාවකට හිතෙනවා එහෙම. ඒත් ඇත්ත ඒකයි!

විභාගේ අසමත් උනා හෝ විශ්ව විද්‍යල සුදුසු කම් නොලැබුනා කියල දිවි නහගන්න කවුරුවත් නෑ. හැමෝම සත්‍යට මුහුන දෙනවා. එයට පොඩි ධනාත්මක (ඇත්තටම මෙතැනදී එය ධනයාත්මක විය යුතුයි ) එකතුකිරීමක් කරන්නයි බලන්නේ දන්න දෙයක් ලියල. විශ්ව විද්යාලට නොගිය අය, ගිය අය මෙන්ම සමහර විට, වඩා හොඳින් ජීවත් වන බව අවුරුදු ගනනාවක අත්දැකීමෙන් මට කිව හැකිය. ඒක ඔබත් දන්නව.

ලංකාවේ විශ්වවිද්‍යාල ජීවිතයට අවම වශයෙන් අවුරුදු පහක් ගතවේ. උසස් පෙල විභාගයට පෙනී සිටි දා සිට රැකියාවක් ලැබෙන තෙක් කාලය  ගනන් බැලුවහොත්;  ස්ට්‍රයික් ආදිය නිසා වන පමාවල් හේතුවෙන් තව අවුරුද්දක් වත් එකතුකල යුතුය. මෙය තනිකරම හොඳ ජව සම්පන්න තරුන කාලය කා දැමීමක් ලෙස සමහරු දකිති.

පාස් උනොත් නංගිල ලකී
නැත්නම් ජුකී

කෙල්ලනට ගාමන්ට්
කොල්ලන්ට පේමෙන්ට්

මේව දේශපාලන සටන් පාඨ වුවත් ත්‍රී වීල් සාහිත්‍යයේ කොටස් වුනත් ඇත්තක් නැත්තෙත් නෑ.

ඒ උනත් කෙනෙක් ඉපදුනොත් විශ්ව විද්‍යාලයට යන්නම ඕනෙද?

 මගේ පන්ඩිත පුන්චි මොලේට තේරෙන විධියට  එය ඕනෑම නැත.
යන්න පුලුවන් නම් හොඳයි,  ගියයි කියල වෙන ලොකු හොඳක් නම් නැත.
අද දවසේ ඉගෙනිය යුතු ප්‍රධාන විශයන්  තුන නම් ඉංග්‍රීසි බස, පරිගනක බස හා අඳින පලඳින විදියයි. ඔය තුන ඉගෙනීමට විශ්ව විද්‍යාලයට යන්න උවමනා නැත.

ඇත්තටම විශ්ව විද්‍යලය තිබෙන්නේ ඉන් පිටතය.

 එය විවෘත නිදහස් ජීවිත විශ්ව විද්‍යාලයයි

විශ්ව විද්‍යලයට යන්න නොලැබුනා කියන්නෙ එක දොරක් වැහුන කියන එක පමණයි. අප බොහෝ අය විශ්ව විද්‍යාලයට ගොස් නාහෙන් අඬ අඬ අකමැති දේ තමයි ඉගෙන ගන්නේ. මඩගොරුවෙන් එලියට ඒමට ලැබෙන සහතිකය සත්තකින්ම  යම් උදව්වක් වෙනව රැකියාවක් ලබාගැනීමට ආදීයට.

ඒත් ඇත්ත තත්වය නම් , යන්න නොලැබුනා කියන්නෙ තමන් කැමති දේ කරන්න අවස්තාවක් ලැබුන කියල හිතන්න.
තමන් කැමති දේ කරන්න,
 ජීවත් වෙන්න මාර්ගයකුත් එයින් පෑදේවි

උදාහරණ ලෙස,
හින්දි ඉගෙනගන්න, දෙමල ඉගෙනගන්න, ඇඳුම් මහන්න ඉගෙන ගන්න, දේශපාලන පක්ශ වලට බැඳෙන්න, ඒ නායකයෝ විශ්ව විද්යාලයන්ය. මහණ වීමත් හොඳ * උසස් රැකියාවක් profession. (ඩිග්‍රී ගත්තත්, මොනා ගත්තත් දනගහල වඳින්න ඕනෙ මහණදම් පුරන භික්ෂූන්ට භික්ෂුනීන්ට, අර කට කතාවක් තියෙන්නේ අපේ සෝම හාමුදුරුවෝ කොල්ල කාලෙ අභියෝග කළා වගේ,) ජ්‍යයොතිෂය, අරාබි භාශාව, ගමේ, තම ජීවත් වන ප්‍රදේශයේ දියුනුව පිනිස හේතුවන කුඩා ව්‍යාපෘති සකසන්න, එය බලදාරීන්ට ඉදිරිපත්කරන්න. අන්තර් ජාලය විශ්ව විද්යාලයකි. අවශයවන්නේ මග පෙන්වීමක් පමණයි.
සංගීතය හදාරන්න, නටන්න, පිට පලාතකින් ඉඩමක් අරගෙන බුරුත, කොස් ආදිය වවන්න, ගොටු කොල මුකුනුවැන්න වවන්න.
 මේ හැම ක්ශේත්‍රයකිනම ජීවිත පරිඥානයක් මෙන්ම සමාජ තත්වයක් ලබාගත හැකි බව කියන්නේ නන්දා මාලිනි.(දොරමඬලාව)

අප නොකරන දෙයක් තමයි ඒ ඒ ක්ශෙත්‍රවල නිපුනයන් සමග සාකච්චා නොකිරීම, උපදෙස් නොගැනීම.

මොනවද කරන්නේ කියන දේට වැඩියෙ  වැදගත් එය කොහොමද කරන්නෙ කියන එක නොවෙද? දොස්තර කෙනෙක් වුවද සිය රාජකාරිය නිසි පරිදි ඉටු නොකරන්නේ නම් ඔහුගේ දොස්තරකමෙන් වැඩක් තිබේද?  බලන්න මේසන් කාර්මිකයෙක් විසින් වැසිකිලියක් සෑදීමෙන් ලෙඩ රෝග බෝවීම කොපමන අඩුවෙනවාද, කානුවක් ඉදිකිරීමෙන් කොපමන ලෙඩ වැලකෙනවාද? වැදගත් වන්නේ කරන්නේ මොනවාද යන්නට වඩා කරන්නේ කොහොමද කියන එකයි.
අප කරන දෙය අවබෝදයෙන් කිරීමයි අවශ්ය!

සල්ලි වලින් ගනන් බලන්න කැමති කෙනෙකුට මෙහෙම ගනන් බලන්නත් පුලුවන්.
මාසෙකට රුපියල පන්දාහක් ඉතිරි කරන්න පුලුවන්නම්
5000 x12 x 5=300000
ඒ වගේම බලන්න අවුරුදු පහක් තරුන කෙනෙක් ජීවත් කරන්න කීයක් යනවද කියල, කෑම බීම ඇඳුම් පැලඳුම්, විනෝදයට, ටියුශන්, මං හිතන්නෙ මාසෙකට 3000ක් තියමු

3000 x 12 x 5 = 180000
සාමාන්ය ගෙයක ආර්තිකයට තුන්දහක බරක් අඩු උනාම ගෙදර පියාට මවට කොපමන සහනයක්ද?

වි වි ගිහිල්ල උපාධිය අරගෙන හෙම්බත්වෙලා රස්සාවකට අලුතෙන් යන කෙනෙකුට වඩා ලක්ශ පහක් ඉදිරියෙන් සහ පලපුරුද්ද් අතින් ඊටත් වඩා ඉදිරියෙන්.

හැබැයි මෙය සාර්තක වෙන්නේ මුදල් හෝ වෙනයම් විදියකට ඉතිරි කලොත් පමනයි!

වි වි ගිය අය පරද්දන අනෙක් විදිය තමයි ඔබ ජීවිතය ඔවුනට වඩා පුලුල්ව බලන්නට පුලුවන් හැකියාව ලබාගැනීම. මොකද ඒ අයට ඉගෙනීම මිසක් ජීවිතේ විඳින්න ලැබෙන වේලාව අඩුයි.



ලෝකයේ ලොකුම ආයතන හොබවන කවදාවත් වි වි නොගිය පුද්ගලයින්
http://au.pfinance.yahoo.com/photos/photo/-/9862857/ceos-who-went-from-rags-to-riches/9862923/


*-profession-
උසස් පංක්තියේ රක්ෂාව
ඡායාරූප  http://readmyeye.wordpress.com/ අනුග්‍රහයෙනි

මේ සම්බන්ද තවත් පන්ඩිත අදහස් -පෝසත් වෙන හැටි

---------------------
6/9/13 දා රිවිර පත්තරේ පලවී තිබූ එස් බී දිසානායක ඇමති තුමාගේ කල කතාවක විස්තරයක්

http://www.rivira.lk/edition/visheshanga/51702-%E0%B7%80%E0%B7%9A%E0%B6%9C%E0%B6%BA%E0%B7%99%E0%B6%B1%E0%B7%8A-%E0%B7%83%E0%B6%82%E0%B7%80%E0%B6%BB%E0%B7%8A%E0%B6%B0%E0%B6%B1%E0%B6%BA-%E0%B7%80%E0%B6%B1-%E0%B6%BB%E0%B6%A7%E0%B6%9A%E0%B6%A7-%E0%B7%80%E0%B7%92%E0%B7%80%E0%B7%92%E0%B6%B0-%E0%B6%B1%E0%B7%92%E0%B6%B4%E0%B7%94%E0%B6%AB%E0%B6%AD%E0%B7%8F-%E0%B6%87%E0%B6%AD%E0%B7%92-%E0%B6%AF%E0%B6%BB%E0%B7%94%E0%B7%80%E0%B6%B1%E0%B7%8A-%E0%B6%85%E0%B7%80%E0%B7%81%E0%B7%8A%E2%80%8D%E0%B6%BA%E0%B6%BA%E0%B7%92-%E0%B6%87%E0%B6%B8%E0%B7%90%E0%B6%AD%E0%B7%92-%E0%B6%91%E0%B7%83%E0%B7%8A-%E0%B6%B6%E0%B7%92-%E0%B6%AF%E0%B7%92%E0%B7%83%E0%B7%8F%E0%B6%B1%E0%B7%8F%E0%B6%BA%E0%B6%9A.htmlවේගයෙන් සංවර්ධනය වන රටකට විවිධ නිපුණතා ඇති දරුවන් අවශ්‍යයි - ඇමැති එස්.බි. දිසානායක
Print Email
Published on Friday, 06 September 2013 03:00 Hits: 27
නිර්මාණශීලීව අලුත් දෙයක් බිහි කිරීමට වෘත්තීය අධ්‍යාපනය මග කියා දෙනවා යැයි උසස් අධ්‍යාපන ඇමැති එස්.බි. දිසානායක මහතා පැවසීය. ඇමැතිවරයා මේ අදහස් ප්‍රකාශ කළේ ශ්‍රී ලංකා වෘත්තීය පුහුණු අධිකාරිය යටතේ ක්‍රියාත්මක වන උඩුනුවර, වේගිරිය වෘත්තීය පුහුණු මධ්‍යස්ථානයේ නිරීක්ෂණ චාරිකාවකට සහභාගි වෙමිනි. තවදුරටත් අදහස් දැක්වූ ඒ මහතා මෙසේද කීය.

අද මේ අවස්ථාවට සහභාගි වෙන්න ලැබිම ගැන මම ඉතාම සතුටු වෙනවා. බන්දුල ගුණවර්ධන හා ඩලස් අලහප්පෙරුම අමාත්‍යවරුන් හා මම ඉතාම ළඟින් එකට වැඩ කරන අය. ඒකට හේතුව තමයි මේ රටේ ප්‍රාථමික, ද්විතීය හා උසස් අධ්‍යාපන ක්ෂේත්‍රයන් භාරව කටයුතු කිරීම. ඩලස් ඇමැතිවරයා දීර්ඝ කාලයක් මාගේ නියෝජ්‍ය අමාත්‍යවරයා ලෙසත් කටයුතු කළ නිසා ඒ බැඳීම තවත් වැඩියි. කොහොම වුණත් මේ රටේ අධ්‍යාපන ක්‍රමය තුළ බරපතළ විකෘතියක් තියෙනවා. මේ රටේ අධ්‍යාපන ක්‍රමය තුළ 22ක් විතර ප්‍රමාණයක් පමණයි විද්‍යා විෂය ධාරාව හදාරන්නේ. තවත් 25ක් පමණ කළමනාකරණය, ගණකාධිකරණය, පරිපාලනය වැනි විෂය ධාරාව හදාරා තිබෙනවා. 53ක් පමණ සමාජ විද්‍යාව, මානව විද්‍යාව එහෙම නැතිනම් කලා විෂය ධාරාවන් සඳහා තමයි යොමුවෙලා තියෙන්නේ. අපිට අවශ්‍ය කරන්නේ ඒ 53 15 දක්වා අඩු කරන්නයි. අඩුම තරමින් 20 තත්ත්වයටවත් ගේන්න පුළුවන් නම් හොඳයි. ඒ අතරතුර තාක්ෂණ හා විද්‍යා විෂය ධාරාවන් හදාරන ප්‍රමාණය 50 දක්වා ඉහළ නැංවිය යුතුයි. කළමනාකරණය, පරිපාලනය, ගණකාධිකරණය වැනි ක්ෂේත්‍රයන් තුළ අධ්‍යාපනය ලබන ප්‍රතිශතය 25 ප්‍රමාණයේ තබාගත යුතුයි. එහෙම වුණොත් පෙර කී පරිදි කලා විෂය ධාරාව හදාරන පිරිස 20 ප්‍රමාණයේ තබාගන්න පුළුවන් වෙනවා. තව අවුරුදු 6ක් යනකොට මේ ඉලක්කය කරා ළඟාවීමයි අපේ බලා‍පොරොත්තුව.

එහි එක් පියවරක් ලෙස තාක්ෂණ විෂය පාසල්වල විෂය මාලාවන්ට ඇතුළත් කළා. උසස් පෙළ තාක්ෂණ විෂය ධාරාවෙන් හදාරලා පිටවෙන දරුවන්ට විශ්ව විද්‍යාල පාඨමාලා 60ක් සකසා අපේ අමාත්‍යාංශ යටතේ තාක්ෂණ විශ්ව විද්‍යාලයක් සඳහා පසුගියදා මුල්ගල් තැබුවා. එහි වියදම කොළඹ-නුවර අධිවේගී මාර්ගයටත් වඩා වැඩියි. මිලියන 12.000ක් විතර වෙනවා. එහි වැඩකටයුතු දැන් කරගෙන යනවා. අද මේ ලෝකයේ නැගිටින, වේගයෙන් සංවර්ධනය වැලඳ ගන්නා රටවල්වලට විවිධ නිපුණතා තිබෙන දරුවෝ අවශ්‍යයි. ශ්‍රී ලංකාව ඒ වගේ රටක්. චීනය, වියට්නාමය වගේ රටවල්වලට අපි ටිකක් දෙවැනි වෙනවා. අද අපේ රටේ ඵලදාව, නිෂ්පාදනය, ආදායම වැඩිවේගෙන යනවා. අපි නිෂ්පාදනය කරන තේ, ‍පොල්, රබර් යන අපනයන භෝගවලින් අලුත් නිෂ්පාදන හදාගෙන යනවා. ඉතා ගැඹුරු නැනෝ තාක්ෂණ පරීක්ෂණ අද කෙරීගෙන යනවා. අපි නිෂ්පාදනය කරන සමහර නිෂ්පාදනවල වටිනාකම අමුද්‍රව්‍යවලට වඩා සියයට හත් අටසීයක් වැඩියි. රට තුළ වරායවල්, අභ්‍යන්තර ගුවන් තොටු‍පොළවල් හැදීගෙන යනවා. ඉදිවෙමින් පවතින හෝටල් 403ක් සඳහා කාමර 15000ක් අලුතින් ඉදිවෙනවා.

අපේ ගෙවල්වලත් හුඟක් දේවල් වෙනස්වෙලා තිබෙනවා. අපේ ජීවන වියදම වැඩිවෙන්නත් මේ සංවර්ධනය හේතුවක්. අපේ ජීවන වියදම වැඩි කරගෙන තියෙන්නේ අපිම තමයි. අපි පාවිච්චි කරන විදුලි උපකරණ ප්‍රමාණය, යාන වාහන ප්‍රමාණය, දරුවන් ජනප්‍රිය පාසල්වලට දාන්න උත්සාහ කරමින් අපිම තමයි ජීවන වියදම වැඩි කරගෙන තියෙන්නේ. ඒ තමයි ලෝකයේ හැටි. රටක් දුප්පත්කමින් මිදිලා ‍පෝසත් වෙන්න පටන්ගන්නකොට මිනිස්සු හැසිරෙන්නේ තමන් ඉන්න තැනට වඩා ටිකක් උඩින්. එතකොට ජීවන වියදම් ප්‍රශ්න දැනෙනවා. අද ගෙදරක විතරක් ටෙලිෆෝන් කීයක් තියෙනවාද? ඕවා වියදම් තමයි. අපේ වියදම් අපිමයි හදාගෙන තියෙන්නේ. කුස්සියේ බත් උයන්න, තේ හදන්න, පලතුරු කපන්න, එළවළු කපන්න හැම දේකටම අපි විදුලිය පාවිච්චි කරනවා.

මේ තත්ත්වය එක්ක තාක්ෂණික හැකියාව ඇති අයගේ අවශ්‍යතාව වැඩිවෙනවා. ඒ නිසා ව්ශ්‍රී 1-7 දක්වා ගියාට පස්සේ උපාධි මට්ටමට යන්න පුළුවන්. ඊට පස්සේ පශ්චාත්  උපාධි ඩ්ච්, දක්වා යන්න පුළුවන්. අද ඩලස් ඇමැතිවරයා දරුවන්ට පාරක් හදලා තියෙනවා. සා.පෙළ දක්වා ඉගෙනගත් දරුවන්ට වෘත්තීය පුහුණු පාසලකට ඇතුළු වෙලා මෙතැනින් අදාළ සුදුසුකම් හදාගෙන විශ්ව විද්‍යාල ආයතනයක් දක්වා යන්න පුළුවන්. දැනටම අපි විවෘත විශ්ව විද්‍යාල තුළ ඉංජිනේරු උපාධියක් දක්වා යන්න ඉඩකඩ හදලා තියෙනවා. නැගිටින රටකට ලාභ ශිල්පීය පැත්තකට යන එකයි.  ඒ කියන්නේ මුලින්ම හොඳ බාස් කෙනෙක් වෙන්න ඕනේ. අද ත්‍රීවිල් හදන්න පුළුවන් මනුස්සයකුට, මෝටර් බයිසිකල් හදන්න පුළුවන් මනුස්සයකුට ඕන තරම් මුදල් උපයන්න පුළුවන්. ලංකාවේ මහා විශාල ධනපතියෙක් වෙන්න පුළුවන්.

ලෝකයේ වෛද්‍ය විද්‍යාත්මක, රසායන විද්‍යාත්මක වගේ අලුත් සොයා ගැනීම් කරන වැඩිදෙනෙක් උපාධි, පශ්චාත් උපාධි, ගෞරව උපාධි ලබාගත් අය. හැබැයි ලෝකයේ තාක්ෂණික නිපැයුම් හදන සියලු දෙනාම බැලුවොත් අපි මේ කියන විධිමත් අධ්‍යාපනය නැති අය. අපි මේ පාවිච්චි කරන බල්බය හැදුවේ තෝමස් අල්වා එඩිසන්. ඊට පෙර මුළු ලෝකයේම පාවිච්චි කළේ ලාම්පු. තෝමස් කියන්නේ පාස‍ලේ හය වසරට පමණක් ඉගෙන ගත්ත ළමයෙක්. කන්න නැතුව මහ පාරේ වැටිලා හිටපු ළමයෙක්. පත්තර විකුණපු මිනිහෙක්. එක පාරටම බල්බය හැදුවට පස්සේ ජනප්‍රිය වුණා. ඊට පස්සේ එංගලන්ත පාර්ලිමේන්තුව විශේෂ කොමිසමක් පත් කළා. ගෑස් උඳුන් හිමියෝ පාර්ලිමේන්තුව වට කරලා ඇහුවා මොකක්ද අපිට වෙන්න යන්නේ කියලා. ඒ කොමිසමේ හිටියේ ලෝකයේ හොඳම විද්‍යාඥයෝ. සේරම කිව්වා තෝමස් අල්වා එඩිසන්ට පිස්සු කියලා. හැබැයි ඊට අවුරුදු 2කට පස්සේ ඔහු මේ බල්බ් එක හැදුවා. විදුලියේ ශ්‍රමතාව මනින හැටි හැදුවේ ජේම්ස් වොට්. ඔහු රසායනාගාරයක හිටපු කම්කරුවෙක්. වාෂ්ප එන්ජිම හැදුවෙත් ඔහු. මේ අයට විශ්ව විද්‍යාල උපාධි තිබුණේ නෑ. ඒ නිසා ඔබගේ නිර්මාණාත්මක හැකියාව හදාගන්න හොඳම විදිහ ශිල්පීය පැත්තට යන එකයි.

ඉස්සර මාතර බාස් කියලා හොඳ බාස් කෙනෙක් හිටියා. ගංගාරාමේ ලොකු හාමුදුරුවන්ගේ අයියා. එයා හැදුවේ වොක්ෂ්වැගන් කාර් විතරයි. අපි විශ්ව විද්‍යාලයෙන් පිටවෙලා ගත්තෙත් පරණ වොක්ෂ්වැගන් කාර් විතරයි. ඒ කා‍ලේ ඉතින් වෙන වාහන ගන්න සල්ලි නෑනේ. මාතර බාස් ඒවා අරන් ගිය ගමන් ඉක්මනින් හදනවා. අද මාතර බාස් කියන්නේ ලංකාවේ විශාල ධනවතෙක්. විශාල ධනවතුන් ව්‍යාපාරිකයන් වෙන්න මේ මාර්ගයේ ගියොත් ඔබට පුළුවන්.

චාල්ස් ඩාවින්ව විශ්ව විද්‍යාලයට ඇරියා. විශ්ව විද්‍යාලයෙන් වෛද්‍ය විද්‍යාලයෙන් කිසි දෙයක් ගත්තේ නෑ. ඒවායේදී ඉගෙන ගත්තේ නෑ. ඒත් එයා පරිණාමවාදය හැදුවා. හෙළයේ මහා ගත්කරු මාර්ටින් වික්‍රමසිංහ ඉස්කෝ‍ලේ පහට විතරයි ගියේ. ඒ නිසා මේ දරුවෝ සා.පෙළ, උ.පෙළ පාස්වෙන්න බැරිවුණා කියලා දුක්වෙන්න එපා. මැෂින්, ටී.වී, විදුලි උපකරණ වුවමනාවෙන් අතගාන්න. කඩන්න, හදන්න. ලෝකයේ මහා නිර්මාණකරුවෙක් වෙන්න ඔබට පුළුවන්. ඉදිරි කාලයේ මේ රටට තාක්ෂණික දැනුම තියෙන අය අත්‍යවශ්‍ය වෙනවා. අපේ රටේ එක්ස්රේ මැෂින් එකක්, ස්කෑන් මැෂින් එකක් හදාගන්න කෙනෙක් නෑ. ඒවා හොයන්න. නව නිර්මාණ කරන්න. මේ දරුවන්ගේ අනාගතය හරි දීප්තිමත්. තෙල් ගාගෙන, මජන් ගාගෙන ටිකක් දුෂ්කර ක්‍රියා කරන්න වෙයි. ඒත් කතා දෙකක් නෑ අනාගතය දීප්තිමත්. ඒ වෙනුවෙන් ඩලස් ඇමැතිවරයා ඇතුළු මේ නිලධාරීන් දක්වන උනන්දුව මම අතිශය අගය කොට සලකනවා. අපේ මානෙල් බණ්ඩාර මන්ත්‍රීතුමන් මේ කටයුත්ත වෙනුවෙන් දරන උත්සාහය මම ඉතා අගය කොට සලකනවා. මෙම අවස්ථාව සඳහා හිටපු මධ්‍යම පළාත් සභා මන්ත්‍රී මානෙල් බණ්ඩාර මහතා සහ වේගිරිය වෘත්තීය පුහුණු මධ්‍යස්ථානයේ ස්ථානාධිපති, එම ආයතනයේ නිලධාරීන් සහ ශිෂ්‍යයෝ ඇතුළු පිරිසක් සහභාගි වූහ.

----------------

‘චූන් පාන් වෙනුවට චූන් කිරි’ – අත හිත දයාසිරිගෙන්‘පහුගිය ඉතිහාසයේ මානව සම්පත් සංවර්ධන අධිකාරිය මඟින් කරලා තිබුණේ තමන්ට කැමති අයට,හිතවතුන්ට, තමන්ට උදව් කරපු අයට හිතුමතේට කැමති කැමති විදියට ණය දෙන එක. තනි පුද්ගලයින්ට ණය දීලා. ඒවා පියවගන්න ක්‍රමයක් නැහැ. එදා ඒ දුන්නු ණය මුදල් එකතු කරගන්න අද අපේ නිළධාරීන්ට යන්න වෙලා තියනවා. නෝනාට දීපු ණය මහත්තයා වියදම් කරලා. නැත්නම් වෙන ණයක් ගෙවලා. අන්තිමට මේක ගෙවාගන්න බැරුව හිරවෙලා’ යයි වයඹ ප‍්‍රධාන ඇමති දයාසිරි ජයසේකර මහතා පවසයි.
අමාත්‍යවරයා එසේ පැවසූයේ  වයඹ පළාත් සභා ශ්‍රවණාගාරයේ පැවති වයඹ මානව සම්පත් සංවර්ධන අධිකාරිය මඟින් සංවිධානය කළ ග්‍රාමීය සමුපකාර සංවිධානවල සාමාජික සාමාජිකාවන්ගේ සහ පෞද්ගලික ව්‍යවසායකයන්ගේ ස්වයං ජීවනෝපායන් සංවර්ධනය සඳහා වූ  ස්වයං ජීවනෝපාය සංවර්ධන මුල්‍ය පහසුකම් ප්‍රදානෝත්සවයට සහභාගී වෙමිනි.
ජයසේකර මහතා එහිදී මෙසේද කීය.
‘වයඹ පළාතෙන් රටේ දේශීය දළ ජාතික නිෂ්පාදනයට  මේ වෙනකොට 9.6% ක ප්‍රමාණයක් ලබාදෙනවා.2016 වර්ෂය වනවිට එය 15% දක්වා වැඩි කරගන්න අපට අවශ්‍ය වෙලා තියනවා.ඉලක්කයක් තියනවා.ඒ වෙනුවෙන් අපිට පියවර 2 ක් ක්‍රියාත්මක කරන්න වෙනවා.පළමුවැන්න ග්‍රාමීය ආර්ථිකය දියුණු කරන එක.දෙවැන්න නව ආයෝජන ඇතිකරන එක සහ දැවැන්ත කර්මාන්ත ගොඩනගන එක.
කිරි නිෂ්පාදනය ගත්තොත් අද කිරි දොවන්නේ උදේට විතරයි.නමුත් හවසටත් කිරි දොවන්න පුළුවන්.ප්‍රශ්නය තියෙන්නේ හවසට කිරි දෙව්වට ඒවා විකුණගන්න ක්‍රමයක් කිරි ගොවීන්ට නැහැ.මිලදී ගන්න ආයතනයක් නැහැ.නමුත් අපි දැන් ඒකටත් වැඩපිළිවෙලක් ගොඩනැගුවා.පවත්වපු සාකච්ඡා වල ප්‍රතිපලයක් විදියට රුපියල් මිලියන 1000 ක් වියදම් කරලා පොල්ගහවෙල ප්‍රදේශයේ “Elephant House” ආයතනය මඟින් කිරි මිලදී ගන්න මධ්‍යස්ථානයක් ආරම්භ කරගෙන යනවා.ඉදිරියේදී කිරි ගොවීන්ට එළදෙනුන් ලබාදෙන්නත් ඔවුන් ක්‍රියා කරනවා.මුළු වයඹ පළාතේම දේශීය කිරි ගොවීන්ගේ කිරි ටික එකතු කරගන්න ඔවුන් අවශ්‍ය කටයුතු කරයි.
ඊට අමතරව වයඹ පළාතේ පශු සම්පත් සංවර්ධන අමාත්‍යාංශය මඟින් සමුපකාරයට ලක්ෂ 50 ක් ලබාදෙනවා සංවිධිත ලෙස කිරි පට්ටි පාලනය කරගෙන යන්න.ඉස්සර වගේ ගවයින්ව ගහේ බැඳලා තියන්න නෙවෙයි,සිමෙන්ති වලින් මඩු හදලා කෑම දෙන්න වගේම කිරි දොවන්න අවශ්‍ය මැෂින් සවි කරලා අපද්‍රව්‍ය ටිකත් පාවිච්චි කරන්න පුළුවන් විදියට ඉවත් කරගන්න පුළුවන් විදියට ඒවා ගොඩනගන්න අවශ්‍ය වැඩටික කෙරෙනවා.
ඉස්සර තිබුණා වගේ කිරි කරත්ත වෙනුවට අළුත් වාහන යොදවනවා.එතකොට “චූන් පාන් වෙනුවට චූන් කිරි” දෙන්න පුළුවන්.පිටි කිරි භාවිතය වෙනුවට අමුකිරි භාවිතා කරන්න පුළුවන්.මේ හැමදේම තුළින් වයඹ  පළාතේ කිරි නිෂ්පාදනය වැඩිවෙනවා.
ග්‍රාමීය ප්‍රදේශ වල තියන ඉඩකඩම් වල මයියොක්කා හිටවන්න පුළුවන්. එක අක්කරේට ගම්මිරිස් වගා කරොත් ලක්ෂ 5 ක් හොයාගන්න පුළුවන්.ආණ්ඩුවට බැන බැන ඉඳලා වැඩක් නැහැ.අපේ පළාතේ තියන ඉඩකඩම් වලින් අපිට උත්සාහවන්ත වුනොත් විවිධ ස්වයං රැකියා කරලා හම්බකරන්න පුළුවන්.සමහර අඹ වර්ග වගේම අන්නාසි වර්ග තියනවා ගෙඩිය පිටින්ම ගන්න ආයතන තියනවා.මේ වගේ අළුත් දේවල් හඳුනාගෙන වෙළඳපොල හොයලා දෙන හැටි ඒවා වර්ධනය කරන හැටි හොයලා බලලා දැනුම දෙන්න පුළුවන්.
අපි අද 394 දෙනෙක්ට ණය ලබාදෙනවා.ඒක අපි 1000 ක් දක්වා වර්ධනය කරගමු.ඊට පසුව ඒ ප්‍රමාණය 2000 ක් දක්වා වැඩි දියුණු කරගමු.
වයඹ පළාතේ වැව් 4000 කට අධික ප්‍රමාණයක් තියනවා.වැව් සමිති පිහිටුවලා වැව් 1000 ක් ගැඹුරු කරන්න පුළුවන්.ඊට පස්සේ අපිට පුළුවන් මිරිදිය කර්මාන්තය නගා සිටුවන්න පුළුවන්.රුපියල් 1.50 ක් වගේ සුළු මුදලක් එක් මත්ස්‍ය පැටවෙක් වෙනුවෙන් වියදම් කරලා එක් මාළුවෙක්ගෙන් රුපියල් 380 ක් වගේ මුදලක් උපයන්න පුළුවන්.නුවර,නුවරඑළිය වගේ ප්‍රදේශ වලට ඒවා යවන්න පුළුවන්.
මේ අවුරුද්දේ සාමාන්‍ය පෙළ විභාගයෙන් F 9 ක් ගත්තු දරුවෝ 600 ක් ඉන්නවා.මම ඒ අයව ගෙන්නගන කතා කරන්න බලාපොරොත්තු වෙනවා.මොකද ඒ අය තමයි එක එක පැති වලින් නිර්මාණශීලී වෙන්නේ.ඒ අය උත්සාහවන්ත නම් කම්මැලි නැත්නම් විවිධ රැකියා තියනවා.හැමෝම රජයේ රස්සාවල් වලටම යන්න ඕනෑ නැහැ.අරයට මෙයාට නැවෙන්න ඕනෑ නැහැ.වඳින්න ඕනෑ නැහැ.තමන්ගේ අභිමානෙන් වැඩ කරන්න පුළුවන්’
- NWP Media
1,986 Viewers

Friday, October 21, 2011

කර්නල් ගඩාෆි, සදාම් හා සෝමවංස අමරසිංහ

කර්නල් ගඩාෆි කියපු එක දෙයක් කලා, ඒ අන්තිම මොහොත වෙනකම් සටන් කරනව කියපු එක. අනෙක් කාරනාව තමයි ඔහු කිව්ව මෙය මාස හය හතක් යන සිවිල් යුද්දයක් කියල. පෙබරවාරියෙ පටන් ගත්ත සටන් ඉවර උනේ ඊයෙ, මාස අටක් දිග්ගැස්සුනා. ඇමරිකාව මෝර උනේ නෑ මේ වාරේ, සයිඩ් එකේ ඉඳල රැවුලයි කැඳයි දෙකම බේරගත්තා වගේ. යුරොපේ මේ දවස්වල ගිනි කෙලි, රස්සාවල් හිඟයි, ජීවත් වෙන්න අමාරුයි. යුරෝපෙ මිනිස්සුන්ට පොඩි කික් එකක් මේකෙන් ලැබෙයි. ඇයි නේටෝ Nato එකනේ බැහැල ගේම දුන්නේ.

මගේ පුතේ මං උඹට ආදරෙයි කියල ඔබාමට බටර් ගෑවත් සදාම්ට ගැලවිල්ලක් ලැබුනෙම නෑ. සියලුම් හෙට්ටු කිරීම්, සාකච්චා බිඳ වැටුනා, බටහිර හා අමෙරිකාව මුන්දගෙ මූණට කැමති උනේම නෑ.

අපේ තේ බීපු, නොබැඳි සමුලු පුරෝගාමියෙක් වන ලංකාවට වරක් ඇවිත් ගිය ගඩාෆිට ශුභ පතන්නෙ කොහොමද, මිනිසුන්ට විරුද්දව ඒකාදිපති පාලනයක් ගෙන යාමේ විපාක තමයි මේ. අවුරුදු හතලිස් දෙකක රට පාලනය කලා මදෑ.

අලුත් උන්දලා රට කරන්නේ කොහොමද කියලාවිමසීමෙන් සිටිමු.  ගත්ත ණය ගෙවානත් තියෙනවනේ බටහිරට...
Celebrations in Tripoli



this photo is from web
අපේ සෝමවංශ මහත්තය කියනව පක්ශේ ඇතුලේ කිසිම ප්‍රශ්නයක් නෑ කියල, අපි අනෙක් පාර්ශවය පරද්දනව කියලත් කියනව.

මට මතක් වෙන්නෙ සදාම්  අමෙරිකන් ප්‍රමුක බටහිර හමුදා පහර එල්ල කරන්න පටන් ගත්ත කාලේ. සදාම් ගේ විදේශ ඇමති මාද්‍යට කියනව අපිට කිසි ප්‍රශ්නයක් නෑ. යැංකි හමුදා අපි ඉක්මනින් ඉරකයෙන් පලවා හරිනව කියල. ඒ ගැන ඔබ සැම දන්නව. ඇමරිකාව ඉරාකය කුඩුකලා. සදාම් මීයෙක් වගේ ගුලක ඉඳලයි එලියට ඇදල ගත්තේ.
මාසයක් ගියේ නෑ ඉස්සෙල්ලම විරුද්ද පාර්ශවයට එක් උනේ ඒ විදේශ ඇමති.

සෝම්වංශ මහත්තයට කාර්යාලෙ තිබුන මාක්ස්ගෙ පින්තූරෙවත් බේරගන්න බැරිවෙලා, ඒකත් 'විප්ලවවාදීන්' ඩැහැගෙන ගිහිල්ල.
ඒකත් ප්‍රශ්නයක්ද නේද සහෝදරය?

අන්තිම වශයෙන් කියන්න ඕනේ අර බුවා මේ ලඟදී දාල තිබුන පෝස්ට් එකක්, හොඳ කතා කාරයෙක් ඉල්ලලා ලංකා පොලිසියට;
 මං හිතන්නේ මිනිහව අරගෙන තියෙන්නෙ ලිබියන් අලුත් ආන්ඩුව.
වෙඩි හුවමාරුවේදී කාගෙන් වැදුනද දන්නේ නෑ (හරියටම ඔලුවටම වැදිල තමයිලු) ගඩාෆි එලෝ ගිහිල්ල තියෙන්නෙ.
http://www.bbc.co.uk/news/world-africa-15398866
http://gulfnews.com/news/region/libya/al-jazeera-tv-shows-gaddafi-apparently-alive-when-captured-1.910774

Wednesday, October 19, 2011

පුද්ගලික බස් වාදය හා දැහැටි දඬු, ප්‍රතිචක්‍රීකරණය කිරීම පිනිසය To Recycle Tooth Brushes and Private Busism- ලියුවේ 2011, ඔක් 19 දා

(අපේ රාජපක්ශ ජනපති තුමා මේ ලඟදී ප්‍රකාශ කළා පක්ශයට තමන්ට සේවය කළ අයව දැහැටි දඬු මෙන් ඉවත ලන්නේ නෑ කියල, මේ පෝස්ටය ලියැවුනේ ඒ අරභයාය.)

..අවංකව කියනවා නම් සොරි very very sorry, අවංකව ලියනවා නම්  බස්වල තෙරපී තෙරපී යන්න ආස කාලයක් කාටත් තියෙනව. බස් පුද්ගලික කෙරුවට පස්සේ ඒක අනිවාර්යෙන්ම ලැබෙනවාමයි. මගී බස් ප්‍රවාහනයට පුද්ගලික අංශයෙ සභාගීත්වත්ය ලබාගැනීමේ එක් හොඳ ප්‍රතිපලයකි. ඒ කාලය ගැන මතක සටහන් ඇති අයට ඒ සුන්දර වූද  අසුන්දර වූද මතකයන් අවලෝකනය වනවා සිකුරුයි.

ඔටුව පිටෝටුව..... ඔටුව පිටෝටුව..........
මේ පුද්ගලික බස් කතන්දරය ගැන තරමක් ගැඹුරට හිතනවිට අපේ දෙස්පල් ක්‍රියාවලියට යම් අදාලත්වයක්, සමානත්වයක් තියෙන බව පේනව.

(ලංගම, හතලිස් දෙනෙක්  බසයක් නඩත්තු කරද්දී පුද්ගලික බස් කීපයක් එක් පුද්ගලයෙක් නඩත්තු කරයි. එය වෙනම කතන්දරයකි. )
ඔටුව පිටෝටුව..... ඔටුව පිටෝටුව..........
77තේ බලයට ආ ආන්ඩුව බස් සේවය පුද්ගලික කරණය කලායින් පසුව පාන් බාගේ වැනි බස් රථවල තෙරපී තෙරපී බස් කොන්දොස්තර තුමාගේ අණසකට යටත් වෙමින් ඉස්සරහට යමින් පස්සට යමින් පැත්තට යමින් බැනුම් අසමින් ගිය හැටි අප සමහර දෙනාට තවමත් මතකය. එය අමුතුවෙන් මතක් කරගන්නට ඕනෑ නැත්තේ තවමත් අඩු වැඩි වශයෙන් එය සිදුවන නිසාය.

 මගියන්ගේ, මහ ජනතාවගේ විරෝධයේ කෙලවරක් තිබුනේ නෑ, මේ අයගෙ කල් කිරියාවට. නමුත් කාලයත් සමග ඔවුන්ගේ ගුණාත්මක වෙනස් කම් දක්නට ලැබේ. දැන් තරමක් ශිෂ්ඨ විදියට කතා කරනව, සැර පරුස කම් අඩුයි.ඉතින් ආන්ඩුවත් මේ සම්බන්දව නීති රීති ගෙනාව, ටිකට් එක අනිවාර්ය කලා. නිල ඇඳුමක් ඇන්දුවා. පාන් භාග වෙනුවට ලොකු බස් ගෙනාවා.

සාමාන්‍ය පංතියෙ මිනිසුන් පාර්ලිමේන්තුවට පැමිනීම සමහරුන්ගේ ගර්හාවට භාජනය වුවත් රටේ වැඩි දෙනෙකුන් ඒ පන්තියට වැටී ඇත්නම් ප්‍රජතන්ත්‍රවාදය අනුව එය සිදුවිය යුතුයි.

ඉතින් මේ පංතියෙ හෝ ඒ පංතිය නියෝජනය කරමින් පැමිනි අයවලුන්ගෙන් ද සැදි, ආන්ඩුව කරවන්නවුන් තෙරපී තෙරපී මගියන් පටවගෙන යන ප්‍රයිවට් බස් කොන්දොස්තරල වගේ කියල වෙලාවකට මට හිතෙනව.
ඒ අය උගුර ලේ රහ වෙනකම් කෑ ගසා මිනිසුන් නග්ගා ගන්නව, අනෙක් බස්වල කොන්දොස්තරවරු එක්ක තරඟකරමින්, අපිව ඉක්මනට ගෙදර ගෙනයන්න වගේ.
ඉඳගන්න කියනව, හිටගන්න කියනව. නැවෙන්න කියනව, ආදරෙන් බසයට නග්ග ගන්නව , බහින කොට තල්ලු කරල දානව. ඒ අය කැමති සින්දු, බයිලා, අප්පිරියාවෙන් උනත් අහන් ඉන්න ඕනෑ .

යන්න වෙනත් මඟක් නැත්නම් අවශ්‍ය තැනට යන්න මේ බස් එකේම යන්න වෙනව. වෙන පාරවල් වලින් ඒ කියන්නේ වෙන route වලින් එතනට යන්න බෑ ඒව cancel කරල නං තියෙන්නේ.

පලමුවෙනි ජනපති, ඒකාධිපති ව්‍යවස්තාවේ නිර්මාතෘ ,ජේ ආර් හොඳාකාරව දැනගෙන හිටිය ආන්ඩුවෙ හිටිය අයගෙ නොම්මර. ඔක්කොම ජාතියෙ අය පාර්ලිමේන්තුවට හුලඟට ගහගෙන ආවා වගේ ආවාට, ඔහු කළ හැම  දේ නිවැරදි නොවූවත්, දඟ කරන්න හදනකොට, ජේ ආර් ගෙනාව අනාඥාවක්. ආන්ඩුවේ ඉන්න ඕනෑ නම් දාතම නොයෙදූ ඉල්ලා අස්වීමේ ලිපි දීපියව්. ඔක්කෝම කුක්කෝ වගේ දුන්නා යයි කියනු ලැබේ. අමුඩ ගහගෙන පාර්ලිමේන්තු එන්න හදනකොට ගෙනාවා නීතියක්. පාර්ලිමේන්තු මන්ත්‍රීවරුන්ට නිල ඇඳුම අනිවාර්යයි කියල.
පාර්ලිමේන්තුවෙ ඉඳගෙන රටකඩන්න හදනකොට ගෙනාව නීතියක්, රටේ ව්‍යවස්තාව රකින බවට හැම මන්ත්‍රීවරයෙකුම දිවුරුම් දිය යුතුයි කියල. අකමැති වූ අය පාර්ලිමේන්තුවෙන් අයින් වී ගියා, (ඒ සමහරු කොටින්ගෙන් මැරුම් කෑවා.) කාට උනත් විනයක් තිබිය යුතුයි.

ජනපති ප්‍රේමදාස, ජනපති චන්ද්‍රිකා, මන්ත්‍රීවරුන්ට නීති ගෙනා බවක් නම් මතක් නෑ.

දැන් මං හිතන්නෙ මහින්ද ජනපතිගෙ වාරෙ.!


කොන්දොස්තරල මොනව කරත් අපිව හරි තැනට ගෙනයන්නේ ඩැයිවර්තුමා විසිනි. ඔක්කොම දෙවියන්ගෙ රූප ඉස්සරහ එල්ලගෙන ඉස්සරහ මේ බසයට බුදුසරණයි, පිටිපස්සෙ මේ බසයට දෙවි පිහිට‍යි, පැත්තක සායි බබා, අනෙක් පැත්තේ චීන බුද්ද රූප එල්ලගෙන.අතේ පිරිත් කඹ, පාට පාට කඹ, වශී මුදු, කරේ මාල හත අට තුන්වන හරස් වීදියෙ මුදලාලිල වගේ. මොන මොන දාල සෙල්ලම් වන්ගු කපල ගත්තත් මාර්ගයේ හරියට නොගියොත් 'මගමරුවා එක්ස්ප්‍රස්' කියලයි මිනිස්සූ කියන්නෙ.අඳුරන කියන පොලිස් මහත්වරු ඉන්න නිසා දඩ නොකා බේරුනත්, අනෙක් වාහනවල හැප්පුනොත් 'සිරිමලා මලා'-අර අමා නාට්‍යයේ කියන්න වගේ. අමරනීය කවුරුත් මෙලෝ නැත.

ඉන්ග්‍රීසි පත්තරේ බලන කස්ටිය කියයි They are on collision course? Let's get our AC bus and the Driver ready!

අපි නැග්ගේ මේ බස් එකේනේ 'දුප්පතාගේ හිතවතා express, ' අපේ මිනිහා express එකේ.
මගමරුවා express එකේ නොවෙයි!
අපේ දුක, අපේ බස් එකේ ඩැයිවර් තුමාට නොකිය කාට කියන්නද?

Friday, October 14, 2011

මේ අන්තිම ලකී නොවේ



This photo is Taken from the web
අපේ කාලයේ නගරයේ වීරයා ගාමිනි ෆොන්සේකාය, නැතිනම් විජය කුමාරණතුන්ගය, ඔහු අසරනයින් වෙනුවෙන් සටන් වැද නරකයා පරාජය කොට පීඩිතයා බේරා ගනී.
සිය බාහු බලය ආත්ම විශ්වාසය ඔහුගේ ශක්තියයි. 
ඔවුන්ගේ දේසපාලනික නාගරික නූතන අනුරුව භාරත ලක්ෂ්මන් ප්‍රේමඡන්ද්‍ර හෙවත් ලකී අයියාය.

ලකී 1956 දරුවෙකි, ඇත්තටම ඔහු උපන්නේ 1956 බැවිනි. 1956 පංච මහ බලවේගය පෙරටුකොට  බන්ඩාරනයක බලයට ආ වසරයි. ලකීගේ පියා කොමියුනිස්ට් පක්ශයට සම්බන්ධ වෘත්තීය සමිති ක්‍රියාධරයෙකි. ලකීගේ යෞවනය උදා වූයේත් ගෙවුනේත් ශ්‍රි ලන්කා නිදහස් පක්සයේ පරාජයත් යු එන්පීයේ ජයග්‍රහනයත් ජයග්‍රහනයෙන් උදම් වූ පිස්සු වැටුනු යු එන් පියේ ආශිර්වාදයෙන් විරුද්ධ වාදීන්ට හිරිහැර කර ගෙවල් දොරවල් පුලුස්සා දමා, පහර දී නීතිය අවනීතිය කල රුදුරු යුගය තුලිනි. 

කොලොන්නාව 77 ඇරුනු විට හැමදාම වාමාංශික ආසනයක්. කොලොන්නාවේ ජන සමාජයේ සිතුම් පැතුම් වලට බලපෑම් කල ආයතන කීපයක් තිබින.  ඒවා අතරින් සම සමාජ වෘත්තීය සමිති බලවත් වු කොලොන්නාව ඓතිහාසික රජයේ මහ කම්හල ප්‍රධාන තැනක ගනී. එමෙන්ම කොලොන්නාව මහ තෙල් පිරිපහදුව සහ ගබඩා සංකීර්ණය, ලංකා විදුලි බල මණ්ඩලයේ විදුලි බලාගාරය, දුම් /රිය සේවකයින්, මීතොටමුල්ල බස් ඩිපෝව, වරින් වර එන ගංවතුර, දුප්පත් කම නිසා දාමරික කම්වලටට අයතා ජීවන මාර්ගවලට යොමු වූ ජනයා වෙසෙන ස්තාන කීපයක්.

 මධ්‍ය මහා විද්‍යාල, ඉහල අධ්යාපන ආයතන, ඉංග්‍රීසි මාධ්‍යයෙන් ඉගැන්වූ  සමසමාජ කාරයෙක් වූ Terence n de silva මූලිකව ඇතිකල පාසල්, දහම් පාසල නැතිනම් ඉරිද ඉස්කෝලෙ හරහා ඇතිඋන සම්ප්‍රදාය හා ප්‍රබෝදය , දෙවොල් මඩු ආදී ජන කලාවන් පෝශනය කල පිරිස්, ප්‍රසිද්ධ කවියන් හා කවි මඩු, වෙසක් නාට්‍ය සම්ප්‍රදාය, , ක්‍රීඩා තරඟ, වොලි බෝල්, පාපන්දු, බයිසිකල් දාවන එල්ලේ තරඟ සම්ප්‍රදායන්
පල්ලිය මූලික කරගෙන, ඇති වූ  Gratian Ananda හා Apple Greens වැනි සංගීත කන්ඩායම් බිහිවීමට මුල් වූ බටහිර සංගීත සම්ප්‍රදායන්, දුප්පත් දෙමල කම්කරුවන්ගේ ලැයිම් නිවාස, ආගමික විශේසයෙන් පන්සල් හා දේවාල ආශ්‍රිතව පැවත්වුනු සංස්කෘතික උත්සවයන්,  අසාධාරණ පොලිසිය, අසාධාරණ දේශපාලකයන්, කොලොන්නාව ජන විඥානයට බලපෑම් කලා.

මෙහි මිනිසුන්ට සමහර විට අවශ්ය ඉක්මන් විසඳුම්ය, පොලිස් අත් අඩංගුවේ සිටින සිය පුතාව බේරා ගන්න, ගුටි කෑමෙන් වලක්වාගන්න,
 ලකී වැන්නවුන්ගෙන් ඒ විසඳුම් ලැබින.

ලකී, සමාජ අසාධාරනයට එරෙහි නාගරික,ජනප්‍රිය  ජනතාවාදී ප්‍රකාශනයයි.මේ පසුගියදා මරාදැමුනේ  ලකී යන හතර රියන්  පුරුශයාව පමනක් නොවේ. කොලොන්නාවේ ජන විඥානයේ පිලිඹිඹුවයි. සමාජ අසධාරණයට එරෙහි සාමාන්‍ය ජනයාගේ වීරයාවයි.
--------------
මේ පිලිබඳ වෙනත් ලිපි
භාරතගේ ඝාතනය ගැන ප්‍රකාශයට වාසුගෙන්
කටඋත්තර ගන්න සී.අයි.ඩි.ය සූදානම් වෙයි

නිලන්ත මදුරාවල

හිටපු පාර්ලිමේන්තු මන්ත්‍රී භාරත ලක්‌ෂ්මන් ප්‍රේමචන්ද්‍ර මහතාගේ ඝාතනය කුමන්ත්‍රණයක්‌ බවට ජාතික භාෂා හා සමාජ ඒකාබද්ධතා ඇමැති වාසුදේව නානායක්‌කාර මහතා කර තිබූ ප්‍රකාශය සම්බන්ධයෙන් කටඋත්තරයක්‌ ලබා ගැනීමට අවශ්‍ය යෑයි අපරාධ පරීක්‍ෂණ දෙපාර්තමේන්තුව ඇමැතිවරයාට ඊයේ (18 වැනිදා) දන්වා තිබේ.

තමා මෙසේ ප්‍රකාශ කළ බවද ඒ පිළිබඳව කටඋත්තර දීමට සූදානම් බවද ඇමැතිවරයා අපරාධ පරීක්‍ෂණ දෙපාර්තමේන්තුවට දැනුම් දී ඇති අතර ඒ අනුව අද (19 වැනිදා) එම දෙපාර්තමේන්තු නිලධාරීන් වාසුදේව නානායක්‌කාර මහතා හමුවීමට නියමිත බව අමාත්‍යාංශ ආරංචි මාර්ග සඳහන් කරයි.

නානායක්‌කාර මහතා ඉහත ප්‍රකාශය කළේ පසුගිය සතියේ එම අමාත්‍යාංශයේ පැවැති මාධ්‍ය හමුවකදීය.
 -------------------------
ඝාතකයින්ට සුදුහුණු ගානවාභාරත ඝාතන පරීක්‍ෂණ ගැන සෑහීමට පත්වීමට බැහැ
- සොහොයුරිය කියයි

ප්‍රභාත් විතාන



හිටපු පාර්ලිමේන්තු මන්ත්‍රී හා ජනාධිපති වෘත්තීය සමිති අධ්‍යක්‍ෂ ජනරාල් භාරත ලක්‍ෂ්මන් ප්‍රේමචන්ද්‍ර මහතාගේ ඝාතනය සම්බන්ධයෙන් දැනට සිදු කරගෙන යන පරීක්‍ෂණ සම්බන්ධව සෑහීමකට පත්විය නොහැකි බව ඝාතනයට ලක්‌වූ භාරත ලක්‍ෂ්මන් ප්‍රේමචන්ද්‍ර මහතාගේ සොහොයුරිය වන ස්‌වර්ණා ගුණරත්න මහත්මිය ඊයේ (18 වැනිදා) පෙරවරුවේ කොළඹදී පැවති ප්‍රවෘත්ති සාකච්ඡාවකදී කියා සිටියාය.

ජනමාධ්‍ය ඇමැතිවරයා, ජාතික ආරක්‍ෂාව පිළිබඳ මාධ්‍ය මධ්‍යස්‌ථානයේ අධ්‍යක්‍ෂ ජනරාල් හා රහස්‌ පොලිසිය තම සහෝදරයාගේ ඝාතනය සම්බන්ධයෙන් පරස්‌පර විරෝධී අදහස්‌ ප්‍රකාශ කරමින් ඝාතකයන් ආරක්‍ෂා කිරීමට හා ඔවුන්ට සුදුහුණු ගෑමට ක්‍රියා කරන බැවින් මෙම ඝාතනය සම්බන්ධයෙන් සාධාරණයක්‌ ඉටුවෙයිද කියා තමන්ට සිතාගත නොහැකි බවත් ඝාතකයන්ට එරෙහිව ඔවුන්ගේ තරාතිරම නොබලා පරීක්‍ෂණ පවත්වා දඬුවම් ලබාදෙන ලෙස රජයෙන් ඉල්ලා සිටින බවත් ගුණරත්න මහත්මිය පැවසුවාය.

අපි අසරණවෙලා ඉන්නේ. අපිට උදව් කරන්න, අපි වෙනුවෙන් කතා කරන්න කවුරුත් නැති වෙලාවක අපේ සහෝදරයා වෙනුවෙන් අපේම හඬක්‌ නගා සාධාරණයක්‌ ඉෂ්ඨ කිරීමට තීරණය කළ බවත් ඒ මහත්මිය කීවාය.

භාරත ලක්‍ෂ්මන් ප්‍රේමචන්ද්‍ර මහතාගේ බිරිඳ, දියණිය සහ පුතා මෙම ප්‍රවෘත්ති සාකච්ඡාවට සහභාගි නොවූයේ මන්දැයි ජනමාධ්‍යවේදියකු ඇසූ පැනයකට පිළිතුරු දුන් ගුණරත්න මහත්මිය, තම සොහොයුරාගේ ඝාතනය සම්බන්ධයෙන් ඔවුන් තවමත් දැඩි කම්පාවට පත්ව සිටින බැවින් මෙම ප්‍රවෘත්ති සාකච්ඡාව සම්බන්ධයෙන් ඔවුන් දැනුවත් නොකළ බව කියා සිටියාය. එමෙන්ම භාරත මහතාගේ දියණිය වන හිරුණිකා ප්‍රේමචන්ද්‍ර මෙනවිය දේශපාලනයට පිවිසෙනවාදැයි ජනමාධ්‍යවේදියකු ඇසූ පැනයට පිළිතුරු දුන් ඇය, තමන් පෞද්ගලිකව දන්නා තරමට හිරුණි මෙනවිය දේශපාලනයට පිවිසීමේ අදහසක්‌ නොමැති බව කියා සිටියාය.



http://sinhalaya.com/news/sinhala/2011/10/12/2931/

http://dailymirror.lk/news/14196-baratha-killing-family-ask-why-duminda-is-not-a-suspect.html


-----------------------------


Police and Judiciary "can do nothing"
Hirunika Premachandra
"Duminda Silva was there when my farther was murdered"- Hirunika
Legal procedures were overlooked when Duminda Silva was taken to Singapore for further treatment says Hirunika Premachandra, the daughter of murdered presidential advisor Baratha Lakshman Premachandra.
Parliamentarian Duminda Silva was treated for brain injury as a result of gunshot wounds sustained during the shooting that killed President’s advisor Baratha Lakshman Premachandra. It is reported that Duminda Silva was air lifted to Singapore for further treatment on the 1st of November.
 It is clear from the evidence that Duminda Silva involved in this case and he should be in police custody.
Hirunika Premachandra

Above the law
Speaking to Sandeshaya, Hirunika Premachandra said “it is regretful that legal process was not followed in this instance”.
“It is clear from the evidence that Duminda Silva involved in this case and he should be in police custody. He should not have been sent abroad without a magistrate’s approval,” she added.
Charging that Duminda Silva has been placed above the law, the Asian Human Rights Commission (AHRC) says "under normal circumstances anyone who is suspected of having been part of the commission of a murder would have been placed under arrest, irrespective of his condition".
MP Duminda Silva
Its reported that Duminda Silva was sent to Singapore

"Foreign treatments are possible only with the permission of the magistrate and on the conditions that a magistrate would impose under these circumstances,” AHRC added.
Conspiracy
“No one knows any thing about Duminda Silva’s condition and people have a right to know the truth” said Hirunika Premachandra.
Alleging that Parliamentarian Duminda Silva had conspired to kill Baratha Lakshman Premachandra, Hirunika Premachandra said it is clear from the evidence that Duminda Silva is a suspect.
 Under normal circumstances anyone who is suspected of having been part of the commission of a murder would have been placed under arrest, irrespective of his condition
AHRC

"He was there when my farther was murdered” she said.
Citing the erosion of rule of law in Sri Lanka AHRC said “The criminal investigating authorities and the courts can do nothing when the executive, by their unofficial orders, make anything or anyone outside the law.”
Baratha Premachandra and two of his bodyguards were killed in a shoot out in Angoda between his supporters and the supporters of Duminda Silva, MP who is also a Defence Advisor.
The late Bharatha Lakshman Premachandra was a Presidential Advisor on Trade Union affairs and a leader of Sri Lanka Mahajana Party (SLMP).
-------------------------------
http://www.divaina.com/2011/12/23/news02.html

Sunday, October 9, 2011

අඬන්නයි හිනාවෙන්නෙයි දවසක් ඇවිත්



අපට අමාරු කාලෙ අපට හයියට හිටිය ලකී අයිය මරා දාලා. 
ලකී අයිය බෝම ලස්සන හයිය හත්තිය ඇති හතර රියන් මිනිහ. මුලින් ශ්‍රී ලංකා එකේ ඉඳල පසුව විජේගෙ පක්ශෙ පිහිටුවන්නත් මුල් උනා.
 87 -88 හරියෙ භීශනය කාලෙ වෙඩි පහරින් බේරුනා. විරුද්ධ පක්ශෙ අය උනත් නුඹට ගරු කලා. අන්තිමට තමන්ගෙම පැත්තෙ හිටපු මදාවියකුගෙන් වෙඩිකන්න උනා.  විශ්ව විද්යාල ශිෂ්‍යයන් ලෙස අපි කිවූ බහු භූතවලට තරහ ගත්තෙ නෑ. කවුරු එක්ක උනත් හොඳින් හිටිය. කාටවත් හිත රිදෙන්න වචනයක් කීවෙ නෑ. දේශපාලකයන්ට උරුම බොරුව තිබුනෙ නෑ කීවොත් බොරුවක්. ඒ උනත් නුඹ ශිෂ්ට මිනිහෙක්. දුකක් නෑ නුඹ සිංහයෙක් වගේ ජීවත් උනා. විජේ හිටියෙ 53යි. නුඹ ජීවත් උනා 55ක් ඒ මදෑ. 
අඬන්න සිතුනත් දැන් කඳුලු නෑ.

Hirunika Premachandra, the daughter of slain presidential advisor Bharatha Lakshman Premachndra yesterday pledged she would lead the struggle against the injustice that had been done to her father and would continue the services he had rendered during his political career.

Speaking at Mr. Premachndra’s funeral at Umagiriya Park yesterday she requested the people of Kolonnawa to join her in her struggle of seeking justice to her father. “Join me in this struggle for the sake of your loving Lucky Aiya,” she told the crowds, filled with emotion.

She questioned as to whether her father who was a fearless and honest person should face such a cruel end.
Ms. Premachandra also paid tribute to the others who were killed in the Election Day incident.

She thanked the large crowds who flocked in to pay their last respects to her father. “I salute you loving people of Kolonnawa for coming in numbers to show gratitude to my father,” she finally said.

The late Presidential Advisor’s son Randiv Premachnadra said their door would always be open for the people in Kolonnawa just as it was during the days of his father. “We will always be there to help you whenever you want,” he told the crowd. (Yohan Perera)  
------------------------------------------------

'Bharatha's loss, irreparable'- President

President Mahinda Rajapaksa in a condolence message said that he was deeply grieved by the sudden demise of Bharatha Lakshman Premachandra, former MP and Presidential Director General on Trade Union Affairs.
"Bharatha's demise is an irreplaceable loss to the trade union movement, Presidential Secretariat and the country as a whole," the President said in his message which was read out at the late Premachnadra's funeral yesterday.
The President identified the late Bharatha Lakshman as a leader of the working class who left an indelible mark on the trade union movement of the country.
In his message the President said, "I was deeply saddened on hearing the death of Presidential Director General on Trade Union Affairs Bharatha Lakshman Premachandra.
"Whilst being political allies we also had a close friendship."
"He was always very close to the people and was a much loved leader. He was humbly proud of this close affection by the people. His desire to serve the people remained undiminished throughout.
In return the people showed their appreciation by electing him as their representative to Pradeshiya Sabha, Provincial Council and then Parliament".
"It would be in my memory for eternity the support he rendered (both within Parliament and outside of it), in my journey from being a MP to becoming the President of the country."
"The memories of the close association between us in working for the benefit of the people would linger forever."
"Bharatha Lakshman Premachandra received his education at Ananda College. Due to his father's influence he became closely associated with leftist politics and became a Member of Kolonnawa Urban Council".
"Later he joined the Sri Lanka Mahajana Party and became its organizer for Kolonnawa. Representing the party in the first Provincial Council election in Sri Lanka, he became a PC member in the United Socialist Alliance."
"He was first elected to Parliament contesting the 1994 General Election as a Member of the Mahajana Party from the Colombo district.
In 2000 too he represented Parliament as an Opposition member representing the People's Alliance."
"Within Parliament he was a very popular Member and won the affection of both the ruling and the Opposition Members alike".
"His demise is an indelible loss to the trade union movement, Presidential Secretariat and the country as a whole."
"Hereby, I convey my condolences to his beloved wife Sumana Premachandra, daughter Hirunika, son Yohen, relatives and the people of Kolonnawa."



 Views : 848










ඒ අස්සෙ හිනාවෙන්න  හේතුවකුත් ඇවිත්, කාටත් එපා වෙච්ච කොටි ඒජන්ත කියා හන්වඩු ගැසූ බාහුට දෙහිවල ගල්කිස්ස මහ නගර සභාවේ ආසනයක් ලැබිල.
මේ දෙන්නම ආනන්දෙ, දෙන්නම පලමු වෙඩි කාල බෙරුනු අය, දෙන්නම වාමාන්ශිකයො.
----------
gossip
http://www.setwela.org/news/2011-10-11/baratha/indexart.html

http://www.lankahotnews.info/?p=2386#more-2386

බාහුගෙ ලක්බිමට කල interview eka බලන්න ලක්බිම 19/10/11 පිටුව 4

Tuesday, October 4, 2011

ධම්ම චක්කං අ-පවත්තං සුධ්දං පොලෝසිං


ධර්ම චක්‍රය පොලිස් යුනිෆෝමයේ  දකුනු අත ඉහලින්ම යොදා ඇත්තේ විහිලුවට නොවේ.
ධම්ම චක්‍රයෙන් සංකේතවත් වන ගුණ දම් පතුරුවාලන දේශයකයට අවශය නීති රීති ධාර්මික ලෙස ක්‍රියාත්මක කිරීම යන්න පොලිසියේ අරමුණ බව කියන්නටය.

එහෙත් නීති ප්‍රායෝගිකව ක්‍රියාත්මක කරන්නට යාමේදී ඇතිවන පුද්ගල බද්ධ හේතුද, සමාජ දේශපාලනික බලයේ බලපෑම්ද ආදී මෙකී නොකී දහසක්  කාරනා හේතුවෙන් පොලිසිය මේ තත්වයට පත්ව ඇත. පොලිසියට ඇති ගෞරවය වේගයෙන් හීන වෙමින් යන තත්වයකි පෙනෙන්නට තිබෙන්නේ.

පොලිසියේ අධාර්මික අදුර්මිශ්ට් ක්‍රියා පිලිවෙත් ගැන ජනතා අප්‍රසාදය පුපුරන ගිනි කන්දක් බවට පත්ව ඇති බව මෑතකදී ඇති වූ පොලිසිවලට පහරදීම් පොලිස් නිලදාරීන් මරාදැමීමෙන් පැහැදිලිය.මොරටුවේ ගෝරියක් බේරන්නට ගිය පොලිසියේ නිලධාරියෙකු කඩුවකින් බෙල්ල කපා පෙරේදා මරා දමා තිබේ.පසුගියදා පුත්තලමේද එවැනි සිද්දියක් සිදු උනා

මෙහි වරද ඇත්තේ පොලිසිය අතමය පමනක් කීවොත් එය අමන අසත්‍ය අසාධාරණ ප්‍රකාශයකි. පොලිසියට සිය රාජකරිය හරි හැටි කරන්නට ඉඩ නොදෙන දේශපාලන සංස්කෘතියද මේ පරාභවයට වගකිවයුතුය. පොදුවේ ගත් කල පොලිසිය ගුනාත්මකව දියුනුව ඇතිබව පෙනෙන්නට තිබේ. මින්සුන්ට ගරු කොට කතා කිරීම. නීතිය ක්‍රියාත්මක කිරීම, කාර්යක්ශම භාවය අතින් පොලිසිය දියුනුවක් පෙන්වයි.

ආසියාවේ අපට කලින් ආශ්චර්‍යන් පෙන්වූ සිංගප්පූරුව වැනි රටවල නීතිය සාදාරනව තදින් ක්‍රියාත්මක වන බව කියනු ලැබේ.නීතිය හා සාමය රැකීම පොලිසියේ කීප දෙනෙකුට පමනක් ඉටුකල හැකි සුලුපටු කාර්‍යක් නොවේ. එයට මුලු සමාජයේම සහයෝගය අවශ්‍යය. ඒ සහයෝගය දිනගැනීම පොලිස් දෙපාර්තමේන්තුවේ සහ අමාත්‍යාංශයේ වගකීමක්. පොලිසියේ හොඳ නමට කැලලක් වන දූශිත නිලධාරීන්ට දඬුවම් දීම රජයේම වගකීමක්.

මෙතාක් කල් සිදුවන්නේ එහි අනෙක් පැත්තයි. දූශිතයින්ට ඉහල තනතුරු ප්‍රදානයයි
පොලිසියටද එහි සීමාවන් ඇති බව මේ සිදුවීම්වලින් වටහාගෙන වගකිවයුත්තන් දීර්ඝ කාලීන ක්‍රියාමාර්ග ගත යුතු යයි සිතමි.

සාධාරණත්වය පොලොසියෙන් ඈත්වන විට ධර්ම චක්‍රය අපවත් වන බව කිව යුතුද?
පොලිසිය ශුද්ධ නොකලොත් ධර්ම චක්‍රයේ වලංගු භාවය, ආලෝකය අපවත් වන බව කැඩුනු පාලියෙන් කීවේ ඒ නිසයි. පමා වී හෝ ධරම චක්‍රයේ ගරුත්වය ආරක්ශා කරනුවස් පොලිස් නිල ඇඳුමෙන් ඉවත් කිරීමට යෝජනා කරමි. යුරොපයේ හෝටලයකට බුද්ද නම යෙදුවායයි සිවුරු කරට ගෙන ගෝරියට ආ අප හාමුදුරුවරුනට මෙය නොපෙනීම මහ පුදුමයකි.

කාලයක් තිස්සේ පවතින පොලිස්  නිල ඇඳුමේ පාට හා රෙදි වර්ග වෙනස් කිරීමේ ඉල්ලීම වහාම සලකා බැලිය යුතු දෙයක්ද වන බව මගේ අදහසයි.

Monday, October 3, 2011

ජනපති මහින්ද, මනෝ ගනේශන්ව ඩබල් දාගෙන.... බයිසිකලෙන්?


මං හරි ආසයි ඉස්සර බයිසිකලෙන් ඉස්කෝලෙ යන්න. කොලොඹ හතේ පාරවල් විශේශයෙන් ජෝන් ද සිල්වා රඟහල තිබෙන පාර දීගේ බයිසිකලය පැදගෙන යන්න. විශාල ගස්වලින් හෙවන වූ Green Path or Thurstan raod මාවත වැනි මාවත් කොලඹ හැම අතම ඇත්නම්  බොහෝ මගියන් කැමති වේවි බයිසිකලෙන් ගමන් බිමන් යන්න. අඩුම තරමින් බස් වල තෙරපී තෙරපී පැය ගනන උදේ හවස වාහන පෝලිමේ මහමඟ කාලේ නාස්ති කරනවට වැඩියේ ඉක්මනින් යන්න පුලුවන්. සරීර සෞක්යටත් හොඳයි.

කොළඹට අත්‍යවශ්‍ය දෙයක් තමයි අමතක වූ බයිසිකලය. ලෝකයේ දියුනු නගර දැන් බයිසිකලයට ලොකු තැනක් දෙන්න පටන් අරගෙන. එයට වෙනම මං තීරු වෙන්කරමින් යනවා.

කොලඹ මහ නගර සභාවේ බලය අල්වා ගන්නට දත කන, ලොකු ලොකු හීන මිහිපිට මවන දෙස්පලුවන්ගේ මහා වැඩ පිලිවෙලවල්වල දුප්පත්, හරිත බයිසිකලයටත් තැනක් දී තිබෙනවාද?

රනිල් මහත්තය ත්‍රී වීල් එකේ ගියා, මහින්ද මහත්තයට, නැත්නන් මනෝ ගනේශන්  මහත්තයට  තියෙන්නෙ බයිසිකලේ යන්න. බයිසිකලෙන් වැඩට යාමේ ඒමේ සුලු ගමන් බිමන් යාමේ සංස්කෘතියටත් යලි පණදීම කල යුතු දෙයක්! ත්‍රී වීල් මල්ලිල නං තරහ වෙන එකක් නෑ මගෙ පන්ඩිත වාක්‍ය වලට.

බලමු කවුද ඉස්සර වෙන්නෙ කියල?

මේ දෙන්න පැද්දත් මොරගොඩ මහත්තය නං හිතන්න අමාරුයි. ඒ මහත්තය  බයිසිකල් පදින අයට හිනා වෙන එක්කෙනෙක් වගේ ප්‍රතිරූපෙ.

-------------------------

බයිසිකලයයි, බුවාගේ පොලිස් කතාවයි ඩබල් දාගැනීමයි ඔක්කොම එකට මුසු උන මතකයක් තියෙනවා.

එකල විනෝදාංශ වූ බයිසිකල් පැදීම, කුරුම්ඹා බීම ආදීය ටොප් ටෙන් -Top Ten අතර තිබුනෙ. කොලඹ බයිසිකලයේ  ඩබල් දැමීම නීතියෙන් තහනම් දෙයක් නේ.

එහෙම උනත් සමහර වෙලාවට එහෙම නොගිහින් බැරි වෙලාවල් එනවා. එහෙම වෙලාවක පෑලියගොඩ දෙසින් විත් බන්ඩාරනයක අලුත් පාලමෙන් කොළඹ දෙසට වැලි පාරු, පාවෙන ලී කොටන් පාරු ආදී කැලනි නදියේ විසිතුරු බලමින් ඩබල් දාගෙන එමින් සිටියා ගමේ අතීසාර මිත්‍රයෙක් වන සනත් සමග. ඒ දවස්වල තුවක්කු මානාගත්තු පොලිසියෙ මහත්තුරු ඉන්න ස්තිර කූඩාරම් තිබුනෙ නෑනේ.

පාලමෙන් එගොඩ වීමට තිබුනේ තව මීටර් දෙසියයක් පමනි. අනේ කරුමෙක මහත. පොලිසියෙ මහතුන් දෙදෙනෙකි.
දඩි බිඩි ගා බැස ගත්තත් ඔවුන්ගේ ඇසට අසු වී හමාරය.
'ඔයගොල්ලො දන්නවනේ ඩබල් දමීම තහනම් කියල.'
'අනේ සර් අපි හදිසියකට යන්නෙ'
දඩ කොල ලිවීම එකල සාමානය දෙයක් නොවේ.
රෝද දෙකේම හුලං ඇර වෑල් කරවල් දෙක අරගත්හ.
දැන් බයිසිකලේ කරේ තියාගනිල්ලා.
(ගුටි නොකා බේරුනා ඇතිය)
පොලිසිය නොපෙනෙන මානය තෙක් අප දෙදෙනාට බයිසිකලය කරේ තියාගෙන ඒමට සිදුවිය.
ඉන් පසුව නම් ඩබල් දාගෙන ගියත් අසු උනේ නැත.