Followers

Tuesday, January 31, 2012

අවංක කම තවම මැරී නැත

ලක්ශ පහක් පාරක තිබී ඇහුලුවොත් එය පොලිසියට භාර දෙන මෝඩයා කවුද, කියල සියයට 99.9 ක් කීවත්...අනෙක් අතට සිතන මිනිසුන් තවම ලංකාවේ සිටී.
මේ මැණික පුවත් පතකින් අහුලා ගන්නා ලදි.


පුත්තලම ඩි‍පෝවේ අවංක සේවකයෙක්  ලක්ෂ 5ක රන්බඩු බෑගය හිමිකාරියට බාර දෙයි


ලක්ෂ 5ක වටිනාකමකින් යුත් රත්තරන් තොගයක් සහිතව අමතකව ගොස් තිබූ අත්බෑගයක් එහි හිමිකාරියට භාරදීමට බස් රථ කොන්දොස්තරවරයෙකු කටයුතු කර තිබේ.
පසුගිය 09 දින දහවල් කල්පිටිය සිට පුත්තලම හරහා කුරුණෑගල දක්වා ධාවනය වූ බස් රථයකින් පුත්තලම නගරයට පැමිණි විවාහක යුවලක් සතුව තිබූ අත්බෑගය අමතකව ගොස් තිබේ. එම අත්බෑගය බස් රථයේ තිබි පසුව හමු වී ඇති අතර කොන්දොස්තරවරයා විසින් එය තමා සේවය කරන පුත්තලම ලංගම ඩි‍පෝවට භාරදීමට කටයුතු කර ඇත.

අත්බෑගය නොමැති බව දැනගත් විවාහක යුවළ ඒ පිළිබඳව පුත්තලම ඩි‍පෝවෙන් විමසා ඇත. ඒ අනුව රුපියල් ලක්ෂ 5ක වටිනාකමකින් යුත් රන් භාණ්ඩ හා රුපියල් 1500/-ක මුදල් ද සමග අත්බෑගය යළි එහි හිමිකාරියට 9 දින පස්වරුවේ පුත්තලම ඩි‍පෝ කළමනාකරු එල්.පී. ස්වර්ණසිරි මහතා විසින් භාර දෙනු ලැබිය. මෙම අත්බෑගය ඩි‍පෝවට ලබා දී ඇත්තේ ආර්.එම්.ටී. උපාලි මහතා විසිනි.

Another similar story. 6/5/12, lakbima
http://www.lakbima.lk/new_site/index.php?option=com_content&view=article&id=3554:----------22--&catid=71:movies&Itemid=414






Monday, January 30, 2012

දරුවන් ජීවිතය වටහාගන්නා විට... ජනවාරි 30 වෙනි සදුදා, 22: පරිවර්තනය - පූර්ණිමා වික්‍රමරත්න Lakbima වැදුම්: 100


අද පුවත් පතක තිබිල කියවපු පහත අමුණා ඇති ලිපිය ගැන මොකවත් නොකර බැරි තරමට සතුට ඉහිලුම් නැතිව ගියා ඒකයි මෙය පෝස්ට් කරන්න හිතුවේ.





දරුවන්,
ජීවිතයෙහි සැබෑ පී්‍රතිය රඳා පවතින්නේ යම් පුද්ගලයෙක් සතු දේ මත නොව, එම පුද්ගලයාගේ ස්වභාවය මත බව,
වටහා ගන්නා විට...
ඔවුන්,
අත්පත් කරගැනීම හාදඬුවම් කිරීමට වඩා, පරිත්‍යාග කිරීමෙන් හා සමාව දීමෙන් වඩා යහපත් ප්‍රතිඵල ලැබෙන බව,
වටහා ගන්නා විට...
ඔවුන්,
දුක්පීඩා දුරුවී සැනසීම උදාවන්නේ ආත්ම අනුකම්පාවෙන් නොව, අභ්‍යන්තර චිත්ත ධෛර්යයෙන් හා ආධ්‍යාත්මික ශක්තියෙන් පීඩාවන් මැඩපැවැත්වීමෙන් බව,
වටහාගන්නා විට...
ඔවුන්,
ඔවුන් අවට ඇති බාහිර ලෝකය තම තමන්ට රිසිසේ පාලනය කළ නොහැකි වුවද, තම තමන්ගේ ජීවිතයන්හි පාලකයන් තමන්ම බව,
වටහාගන්නා විට...
ඔවුන්,
අන්‍යයන් සමග තම බැඳීම් වැඩි දියුණු කරගත හැක්කේ, තමන්ට වඩා මිත්‍රත්වයද, උඩඟු බවට වඩා නිහතමානීකමද, උපදේශනයට වඩා සවන්දීමද, අගයකොට සැලකීමෙන් බව,
වටහාගන්නා විට...
ඔවුන්,
තමන් චකිතයට පත් කරවන සුළු ශාරීරික අසාමාන්‍යතාවයන් හේතුවෙන් පුද්ගලයන්
පිළිකුල් නොකළ යුතු බවද, මානසික හා වාචික වශයෙන් පිළිකුල් හා ද්වේෂ සහගත මිනිසුන්ගෙන් ඈත්ව, ඔවුන්ගෙන් ප්‍රවේශම් විය යුතු බව,
වටහා ගන්නා විට...
ඔවුන්,
සැබෑ සොම්නසක් ලැබිය හැක්කේ අන්‍යයන් ඉහළට ඔසවා තැබිමෙන් විනා, තවකෙකු පහත් ලෙස පහළට ඇද දමා තමන් ඉහළ නැගීමෙන් නොවන බව
වටහා ගන්නා විට...
ඔවුන්,
අන්‍යයන්ගෙන් ලැබෙන ප්‍රශංසාවන් ඇතැම් විට නොමග යවන සුළු ඉචිඡා බස් දෙඩීම් වුවද, ඒවා සිය ආත්මගරුත්වයට නොගැළපේ නම්, ඒවා නිරර්ථක බව,
වටහා ගන්නා විට...


ඔවුන්,
ජීවිතයේ සැබෑ වටිනාකම මනිනු ලබන්නේ වස්තු සම්භාරයන් රැස්කිරීමට ගත කළ වසර ගණනින් නොව, තමාගේ ඥාන සම්භාරය අන්‍යයන් හා බෙදාගැනීමෙන්, අන්‍යයන්ගේ ජීවිත තුළ බලා‍පොරොත්තු ඇති කරලීමෙන්, තවකෙකුගේ කඳුළු පිසදැමීමෙන් හා තවකෙකුගේ හදවත ස්පර්ශ කිරීමෙන් බව,
වටහා ගන්නා විට...
ඔවුන්,
පුද්ගලයකුගේ සැබෑ සුන්දරත්වය දැකිය හැක්කේ දෑසින් නොව හදවතින් බවද, ජීවිත ගමනේදී මුහුණ දිය යුතු දුෂ්කරතාවයන් හා කාලය විසින් පුද්ගලයෙකුගේ බාහිර රූපකාය පිරිහීමට ලක් කළද, එම දුක්පීඩා මගින් පුද්ගලයකුගේ චරිතය හා ඔහුගේ ජීවිතය
පිළිබඳවූ දර්ශනය උසස් හා පරිපූර්ණ කරන බව,
වටහා ගන්නා විට...
ඔවුන්,
සෑම අයෙක් සතුවම යහපත් සේම අයහපත් ගුණාංගද ඇති බව වටහා ගනිමින්, අන්‍යයන් විනිශ්චය කිරීමෙන් වැළකී සිටීමේ වැදගත්කමද, පුද්ගලයකු තුළින් යහපත් හෝ අයහපත් ගුණාංග මතුවීම රඳාපවතින්නේ අන්‍යයන් ඔහුට ලබාදෙන කායික, මානසික හෝ වාචික උදවු උපකාර මත හෝ ඔහුට එල්ල කරන පීඩාවන් මත බව,
වටහා ගන්නා විට...
ඔවුන්,
සෑම පුද්ගලයකුටම ලැබි ඇති අගනා තිළිණය, ඔවුන් එකිනෙකා තම තමන්ට ආවේණික ගුණාංගවලින් සමන්විත, අසහාය ඒකකයන් වීම බවද, ජීවිතයෙහි සැබෑ අරමුණ වන්නේ එම තිළිණය තම තමන්ගේ උපරිම මට්ටමින් අන්‍යයන් හා බෙදාගැනීමද බව,
වටහා ගන්නා විට...
දරුවන්,
ඉහත ආදර්ශයන් මනාව වටහා ගනිමින්, ඒවා ජීවත්වීමෙහි කලාවේදී ප්‍රායෝගිකව යොදවන විට, ඔවුන් තවදුරටත් දරුවන් නොව, ඔවුන් අවට සුවහසක් ජීවිතයන්ට යහපතක්ම උදාකරන්නාවූ ආශීර්වාද ලද්දක් සහ සමස්ත ලෝකයාටම වටිනා අනුරූපයන් වනු ඇත.

Sunday, January 29, 2012

මොන බම්බුවකටද ඔච්චර දුර බලන්නෙ, බුද්ධ දර්ශනය හා විද්‍යාව කෙටියෙන්



ජිප්සීස් ගායක සුනිල් පෙරේරගෙ තියෙනව පොඩි දර්ශනයකුත්.
 ඒ අයගේ ගීත හා ප්‍රසංග කලාවට වගේම ඒකටත් මං කැමතියි.
හැබයි එහි හැංගිලා තියෙන දේශපාලන දර්ශනේට නම් නොවෙයි.

කාලෙකට පෙර නරඹන්න යෙදුන ඩෙස්මන්ඩ් ද සිල්වාගෙ  ප්‍රසංග වීඩියෝ පටයක තිබුන සුනිල් පෙරේරගෙ ජෝක් එකක් මතක් උනා


පොඩි දෙබසක්

ඩෙස්මන්ඩ් ගමනක් යාමට සැරසෙයි, සුනිල් ඔහු අසලට එයි.

සුනිල්-       තමුසෙ කොහෙද යන්න හදන්නේ

ඩෙස්මන්ඩ්-            ඇස් පරීක්ශා කරවගන්න

සුනිල්-                     මොකද්ද ප්‍රශ්නේ

ඩෙස්මන්ඩ්-                මට දුර පෙනෙන්නෙ නෑ

සුනිල්-                 මොනවා කිව්ව? ඉන්නව බලන්න පොඩ්ඩක්

                            තමුසෙට අර හඳ පේනවද

ඩෙස්මන්ඩ්-   ඔව්

සුනිල්-       තමුසෙට අර තරු පේනවද?

ඩෙස්මන්ඩ්-  ඔව්

සුනිල්-             එහෙනම් මොන බම්බුවටද ඕයි තමුසෙ ඇස් දොස්තර බලන්න යන්නේ
                          ඔයිට වැඩියෙ දුරක් කොහෙන්ද?
--------


සැරියුත් මහ රහතන් වහන්සේට ඉර්දි බලෙන් ඕනෑ තරම් දුර යන්න පුලුවන්. උන්වහන්සේ දිනක් බුදුන් වහන්සේගෙන් ප්‍රශ්න කර සිටියා මේ විශ්වයේ කෙලවර කොතැනද කියලා, බුදු හාමුදුරුවොත් වදාලා ඕනාවට වඩා දුර බලන්න යන්න එපාය, මේ විශ්වයේ කෙලවරක් නෑ කියලා.

කිව්ව් නාහන තරුන සැරියුත් මහ රහතන් වහන්සේ එහි සත්‍ය තමන් විසින්ම පසක් කිරීම පිණිස විශ්වයේ කෙළවර සොයන්න ඉගිලුනා. ගියා ගියා ගියා දවස් ගානක් ගියා, එහෙත් බොහෝ වෙහෙස වී නැවත පොලවට වැඩියා.

ගිය සැප්තැමබරයේ භෞතික විද්‍යඥයයින් පිරිසක් විසින්, ආලෝකයට වඩා වේගයෙන් ගමන් කරන  'නුට්‍රිනෝ' නම්, පරමාණුව තුල කුඩා අංශුවක් සොයා ගැනීම අයින්ස්ටයින් වාදයන් බොරු කර ඇතැයි පැවසෙනවා. භෞතික විද්‍යාවේ මූලධර්ම නැවත මුල සිට ලියන්නට වෙලා.

මොකද අපිට 'දැනුනට පසුව තමයි , 'පෙනෙන්නේ'.
 මාර කේස් එක.

මහාචාර්ය ස්ටීවන් හෝකින්ස් කියන්නේ අතීතයට යෑම අත ලඟ බවය. ඉතින් බුදුන් දෙසූ දෑ බොරු දැයි ලඟදීම සොයා බැලීමට හැකිවනු ඇත.


http://www.guardian.co.uk/science/2011/nov/18/neutrinos-still-faster-than-light

Monday, January 16, 2012

හෙළයිනි අවදිවව්! නොරොච්චෝලෙ කරච්චලේ!


නොරොච්චෝලෙ ගල් විදුලි බලාගාරයේ මොකක් හෝ අද්භූත ප්‍රශ්නයක් තියෙනව වගේ.
නිතරම කුමක් හෝ අසාත්මික තාවක් ගැන අසන්නට ලැබෙනව.


අධිවේගී මාර්ගයෙ වාහනවලට ගල් වැදෙන මෙන් මෙයත් වැඩ ඇරඹුනු දා සිට එහි නියම ධාරිතාවයට එන්නට නොහැකිවනසේ පැන නැගෙන නොයෙක් ආබාධ ගැන නිතර අසන්නට ලැබෙනව.

මෙය සැලසුම් හදපු දා සිට මොන මොන ප්‍රශ්න ආවද?
 පරිසර වේදීන්, අවට වැසියන්, අන්තර් ජාතික බලපෑම්, අවුරුදු ගානක් ගත උනා සැලසුම් මේසයෙන්ම එලියට ගන්නට. එසේ බොහෝ අමාරුවෙන් උපත ලද මේ බිලිඳා රැක ගැනීම ජාතික වගකීමකි.

ජාතියෙ මහ පහන් ටැඹක් කීවොත් වරදක් නෑ මන්ද රටට එළිය දෙන නිසා.

අපේ හෙළයේ මහ උරුමක් කාරයෙක් වන කෙරුම් කාරයෙක් වන බල ශක්ති ඇමති, මැවිසුරු,  චම්පික රණවකට තවමත් මේ තත්වය පාලනය කර ගන්න බැරිවීම මහ පුදුමයකි.



Norochcholai power to the National Grid from next month 28-1-2011.....



N’cholai lacks proper fire protection


# M.V.R.Perera 2011-07-08 14:45
The problem is because the power minister is a novice where power engineering is concerned for Noracholai 300Mw plant is for 6 months on trial and there should be a 300Mw plant on hot standby for during this period the full load can be taken out in a case of emergency and also he might have given instruction to System control center to use more hydro units as he had promised shiw a profit of 4 billion rupees

# de silva 2011-07-07 12:37
AFTER WITNESSING THE HUGE TAMASHA HELD TO OPEN THE NOROCHOLE POWER PLANT, WE WERE MADE TO UNDERSTAND THAT THE ERA OF POWER CUTS WERE OVER BY THE MINISTER HIMSELF.

AND WHAT HAVE WE NOW.

- IS IT THE WONDER OF ASIA THAT YOU PEOPLE ALWAYS TALK ABOUT-
WE CANT PLAN OUR WORK, NOT EVEN SIMPLE HOUSE HOLD CHORES LIKE WASHING CLOTHES.
PL TELL US THE TIME POWER WILL B OUT.
HAVE THAT DECENCY TOWARDS CUSTOMERS WHO PAY THEIR BILLS,SINCE U CUT ELECTRICITY IF BILLS ARE UNPAID.

http://www.srilankaguardian.org/2011/03/norochcholai-power-plant-postscript.html

http://www.divaina.com/2012/01/24/news38.html

හදන දිනයක්‌ හරියට කියන්න බැරිලුනොරොච්චෝල බලාගාරය යළිත් අක්‍රිය වෙයි
විදුලි බල මණ්‌ඩලයට දිනක පාඩුව දස ලක්‍ෂ 80 ක්‌ 24/1/12

නොරොච්චෝල අක්‍රීය වීමට හේතුව සොයා ගැනේ
http://www.divaina.com/2012/02/09/news11.html

Sunday, January 8, 2012

රනිල්ගෙ ඩේලි මිරර් එක බාහුට පානා හුරතල්


Ranil Wickramasinghe

http://www.facebook.com/pages/Ranil-Wickramasinghe/113049832114487?sk=photos

රනිල්ගෙ වර්තමාන රංග භූමිකාවට  මාක්ස්වාදී සහතිකයක් දීල වගේ බාහු විසින්.

රනිල්ගෙ ඩේලි මිරර් පත්‍රයේ මාධ්‍ය වේදිනි ඩයනා සිල්වා 'බාහු 'ව පාණ්ඩුකම්බල සයිලාසනය මත හිඳුවා යටින් ගිනි ගොඩක් ගැහුව කීවොත් එච්චරම හරි නෑ. ඇයගේ ප්‍රශ්න අසන විලාසය බෝම විනීතයි, කන් කළුයි ඒ වගේම බුද්ධිමත්- සිත් කළුයි. ඇයගේ අපූරු, ව්‍යක්ත ඉංග්‍රීසි භාවිතයෙන් අපේ බාල පරපුරට ඉගෙන ගන්න බොහෝ දේ තියෙනව කියල හිතෙනව.

හොට් සීට් සම්මුඛ සාකච්ඡා වීඩියෝවට මෙතැනින් යන්න.

http://www.dailymirror.lk/video/15891-hot-seat-with-dr-vikramabahu-karunaratne.html

හොට් සීට් සම්මුඛ සාකච්ඡා ලිපියට මෙතැනින් යන්න.

http://www.dailymirror.lk/opinion/15905-present-state-of-governance-is-unstable-wickramabahu-.html

අද 2012, ජනවාරි 9 වෙනිදා,
2011 අගෝ 25 දා දයල් බතී මෙහෙම ලිපියක් පල කලා. (ඒ පෝස්ට් එක 177 දෙනෙක් කියවල තිබුණ.දයල් බතී ලියන දේශපාලන ලිපි කියවන සාමාන්‍ය ගණන ඒකයි.)

කලිසමට උඩින් සරම ඇඳීම සහ සරම ගලවා කලිසම පෙන්වීම-Metamorphosis and the Reverse
Metamorphosis-ලියුවේ 2011, Aug 25

ඒ ලිපියේ ප්‍රාතමික උවමනාව වූයේ 56 පෙරලියට නායකත්වය දුන් ජාතික ඇඳුමට රූපාන්තරණය වූ මහ බණ්ඩාරනායක අගමැතිගේ ජාතික ඇඳුමට රූපාන්තරණය වීම හා එයම කළ රාජපක්ශ ජනපතිට එය කණපිට හැරවීමටට දැන් පුලුවන් වේවිද යන මතෘකාව තරමක් අතපත ගාන්නටය.

ඒ වගේම ලෝකයේ දිගම සාකච්ඡාව ලෙස හැඳින්විය හැකි ලංකාවේ බල විභේදනය පිලිබඳ වට මේස සාකච්ඡාව නව වටයකින් ඇරඹී ඇති අතර එයට ජනපති රාජපක්ශගේ හා වත්මන් ආණ්ඩුවේ පූර්ණ සහයෝගය ලැබ ක්‍රියාත්මක කරන්නට නොලැබුනොත් කලිසම් කාරයින්ගේ නව පෙරමුණක් ඇතිවීමට ඉඩ ඇති බව කියන්නටයි මට ඕනෑ කලේ. ඒ ලිපිය ලියා මාස හයකින් පමණ පසුව ඒ බෙදීම් පෙනෙන්නට පටන් ගෙන ඇත, ඒත් පොඩි පොඩි වෙනස් කම් ඇතිව. මා ඒ ලිපිය ලියන විට ජවිපෙය කැඩී වෙන් වීමට නියමිතව තිබූ පාර්ශවයේ  ලක්ශණ මෙතරම් තදට එලියට පැමිණ තිබුනේ නැත. සෝමවංශගේ පාර්ශවයෙන් එයට එකතු වීමට නියමිත  කලිසම් කාරයෝ ටික ලෙස හඳුනාගත හැක්කේ කැරලි කාර කණ්ඩායමයි. ජාතික ඇඳුම්  පෙරමුණට එකතු වීමට නියමිත ලොක්කන්ගේ දැන් නම් ගම් කිව හැකි තත්වයක් උදාවී ඇත. කරූ, සජිත්, කණ්ඩායම යූ එන් පී යෙන්ද, තව කණ්ඩායමක් සංධානයෙන්ද, න්‍යායික නායකත්වය සපයන්නට ජවිපෙය ද එකතු වෙන ලක්ශ්ණ පෙන්නුම් කරයි.

ඒ වගේම වික්‍රමබාහුත් කලිසොන් කාරයින්ගේ පෙරමුණේ ප්‍රධාන භුමිකාවක් රඟන බව පසුගියදා රනිල්ගේ පත්තර ව්‍යාපාරයේන් ප්‍රසිද්ධ කරන ඩේලි මිරර් පුවත් පත කළ සාකච්ඡාවෙන් පෙනේ.

ජාතික ඇඳුම් උනා දමා ජනපති මහින්දත්, ජනරාල් ෆොන්සේකත් මේ කලිසම් කාරයින්ට එකතු නොවෙයි කියල කාටද කියන්න පුලුවන්, ටක්කෙටම.

ඒ මන්ද ලංකාවේ සුලුතරයකට ඇර මුලු ලෝකයම, (බටහිර, අමෙරිකාව, ඉන්දියාව,) දෙමළ ජනතාවට නීත්‍යනුකූලව තම භාශාවෙන් කටයුතු කිරීමට ඉඩදීම ආදී බලතල දීම අද දවසේ උවමනාව බව බලකර කියා සිටින බැවිනි. ලංකාවේ සංවර්දනයට හරහට තිබෙන මේ පොල්ල ඉවත් කර තරහ යන කට්ටියට බැඳගන්නට දීමට කාලය  පැමිණ ඇත.
(පොල්ල කිව්වම මතක් උනේ, 70-77, සිරිමා ආණ්ඩුවේ ප්‍රජාතන්ත්‍රවාදී විරෝදී, මුග්ද ක්‍රියාකලාපයන් නිසා විසකුරු යූ එන් පී පාලනයට පාලනයට පාර කැපුණු අතර හාල් පොලු මිරිස් පොලු පරිප්පු එහි ප්‍රදාන වැඩ කටයුතු ඉශ්ඨ කළ  සාධක වී‍ය. ජේ ආර් විසින් ඒ පොලු ඉවත් කරන ලදි.)

මේ දිග හැරෙන සිද්ධි දාමය දෙතිස් අවුරුද්දකට පසුව සිදුවන තවත් ඉතිහාසයේ සරදමකි.

 ජේ ආර් මාමණ්ඩියගේ ගිනි පෙනෙල්ලෙන් බැට කෑ අසූවේ වර්ජන නායකයෙක් වන වික්‍රමබාහු, රනිල්  බෑනා ගේ කණාමැදිරි එලියට භය නැතිවීමයි එය.

අගමැති  බණ්ඩාරනායක- පියා කළ සමහර දේ නිවැරදි කරන්නට ඔහුගේ දුවනිය චන්ද්‍රිකා ජනපති උත්සහයක් කලත් සාර්තක වූයේ බෝම ටිකයි.

ජේ ආර් මාමණ්ඩිය කළ සමහර ප්‍රජාතන්ත්‍රවාදී නොවන දේ නිසා  මෙතරම් විසකුරු බවට පත් වූ ලාංකීය සමාජය රනිල්  බෑනාට රී-ධර්මිශ්ඨ-Re(verse) Dharmishta කරන්න ලැබේවිද?

බාහුගේ විශ්වාසය කලුවලා කුලේ රිදී රේඛාවද?

වි කො සෙ (සමානතා පක්ශය ) විජේ  ඩයස්,  ... බාහුගෙ පතුරු අරීවි!

Sunday, January 1, 2012

ගිණි අවි සහ ගිණි කෙලි



http://blakeflannery.hubpages.com/hub/Free-Pictures-on-Hubpages
සිරි ලංකාවේ ගිණි කෙලි අන් දේශ දීපංකරවල වගේ අවුරුද්ද අන්තිමට ඒ කියන්නේ දෙසැම්බර් තිස් එක් වෙනිදට සීමා වෙන්නෙ නෑ, වසරාවසානය වෙනකම් බලාගෙන ඉන්න වෙන්නෙත් නෑ. හැමදාම මොකක් හරි ගිණිකෙලියක් ගැන මල කෙලියක් ගැන අහන්න තරම් අපි වාසනාවන්තයි?

ඉතින් මේ ගිණි කෙලි වලට හා ගිණි අවි භාවිතයට තිත තැබේවා යන්න මගේ ප්‍රථම අලුත් අවුරුදු ප්‍රාර්ථනයයි!
සාමයේ දොරවල් වසන ජනයාට වැරදි ආදර්ශ සපයන සංචාරක කර්මාන්තයේ වර්ධනයට තිත තබන අමනුස්ස දේශපාලකයින්ට අරලිය ගහ මැදුරේ දොර වැසේවා!


සංවර්ධනේ ගැන පුරසාරම් දෙඩුවට ලංකාවේ ආර්තිකය රතු අවදානම් තත්වයක ඇති බව අන්තර් ජාතික වාර්තාවක සඳහන් වීමක් ගැන පුවත් පත් වාර්තාවක් දුටුවා.
හොර ගනන් මිමි පෙන්වා ජනයා රවට්ටන නිලධාරී තන්ත්‍රයේ මැති ඇමති වරුන්ගේ බොරු එලි දරව් වේවා!

මැද පෙරදිග ගොස් අවදානම් රැකියාවල යෙදෙන අප මෑණිවරුන්ගේ සහෝදර සහෝදරියන්ගේ දුක් රට කරවන ඇත්තන්ගේ ඇස ගැසේවා!

අවුරුදු තිහක යුද්ධයෙන් විශේශයෙන් පීඩා විඳි දෙමළ ජනයාගේ ප්‍රශ්නවලට විසඳුම් ලැබී සාමයේ නියම මගට දොර ඇරේවා!

ජනපතිගේද 'අවංක' පැතුමක් වන ශක්තිමත්  විරුද්ධ පක්ශයක් බිහිවේවා!
සිර ගත වූ ජනරාල් තුමාට නිදහස ලැබේවා!

අපේ අලි සම්පත සත්ව හා වන සම්පත පරිසර සම්පත සුරැකේවා!
වෙඩිකා මැරෙන දුම්රියට අසුවී මැරෙන අලින් ගනන අඩුවේවා

ලක්ශ තුනක වූ උසස් පෙල හැදෑරූ සිසු සිසුවියන්ගේ විභාග ප්‍රතිපල ප්‍රශ්නය විසඳේවා!
තරුණ ජනයා තුල අවිශ්වාසය ඉච්ඡාබංගත්වය, නිදහස් අද්‍යාපනයේ ගුණාත්මකභාවය පිළිබඳ සැක ඇතිකිරීමට ගත් මේ උත්සහය පරාජය වේවා!

ක්‍රිකට් ක්‍රීඩාවේ පාලක කමිටුවට ක්‍රීඩා ලැදි සත්පුරුශයින් පත් වේවා!
දකුණු අප්‍රිකාවෙන් ලැබූ ජයග්‍රහණය දිගටම පවත්වාගෙන යන්නට ලැබේවා!

සිනමා හා කලාවේ උන්නතිය සැලසේවා!


වැඩි වැඩියෙන් සිංහල බ්ලොග් බිහිවේවා!
මේ වසරේද පැවත්වීමට නියමිත බ්ලොග් කරුවන්ගේ සාදය ජයටම පවත්වන්නට ලැබේවා!

ලැබුවා වූ 2012 වසර ලෝක විනාශ බොරු බේගල් වලට නොරැවටෙන, වාසනාවන්ත, ඥාණයෙන් පිරුණ, සමුර්දිමත් වසරක් වේවා!