Followers

Saturday, October 27, 2012

හඳපානේ ගිය උන්ට මඟුල් මේසෙ අපිත් එක්ක වාඩි වෙන්න බෑ.


ඒ දවස්වල ගම්වල මගුල් ගෙවල් වල කෑම මේස වල නිතරම වගේ ඇදෙන ප්‍රශ්නයක් තමයි. ...ගෙදරට හොරෙන් පැනල ගිය , ඒ කියන්නෙ හඳපානේ ගිය අයවලුන්ව ප්‍රසිද්ධියේ විවාහ වූ අය කෑම මේසෙට ගන්නෙ නැති එක. මට මතකයි අපේ  කුරුණෑගල පැත්තේන් ආපු   නෑදෑවන කෙනෙක් වූ අරනෝලිස් බාප්පා බාල්දියක් ඇද්ද, කැලණියේ රංජනී අක්කව මේසෙට ගන්න බෑ කියල. මොකද රන්ජනී අක්ක හඳපානෙ ගිය කෙනෙක්. ගෙදරින් අකමැති වෙන්නේ යම් යම් නොගැලපීම් නිසානේ. කුල- මල, ආගම් ලෙඩ- රෝග, සල්ලි -බාගෙ, රක්ශාව, පවුල් පවුල් අතර නෝක්කාඩු ..ජම්මාන්තර වයිර, අරක, මේක ..

ඒකට විරුද්ධව කතාකරපු අපේ සෑම් අයියත් එක්ක අරනෝලිස් බාප්පා ඇද ගත්ත කොක්ක.
දෙන්නටම පදමට වැදිල හිටියෙ. දන්නවනේ ගමේ  තරඟෙට වගේනේ ගන්නේ. චෑන්ස් එක ලැබිච්ච ගමන් කට කපල  දාගත්තෙ නැත්නම්  එහෙ පැත්ත බලල මේ පැත්ත බලන කොට බඩු ඉවරයි. රෝස් කුකුලත් අහවරයි.

ඉතින් පරම්පරා දෙකක පරතරය පිලිබඳ ප්‍රශ්නයක් විදියට බලන්නත් පුලුවන්. සෑම් අයිය අපේ පරම්පරාවේ. අරනෝලිස් බාප්පා පැරණි පරම්පරාවේ.

කටවහපිය පැලමදය, ඊයෙ පෙරේද කර දඬු දික් උනාට උඹ දන්න හූනු බිජ්ජ, අපිටත් උගන්න එනව.
අරනෝලිස් බාප්පා බෙරිහන් දෙනව.

එහෙම කියන්න එපා බාප්පෙ බලපන් කවද හරි උඹේ දුවෙක් එහෙම කලොත්?

මං ඒකිව පට්ට ගහල කෑලි කෑලිවලට කපල මූදෙ දානව.


හඳපානෙ ගිය උන් එක්ක අපිට හරි හරියට වාඩි වෙන්න බෑ.
එක්කො උන්, එක්කො අපි.
උන් වාඩි උනොත් අපි නැගිටල යනව.

මනමාලය ඇවිල්ල යාංතං රංජනී අක්කවයි එයාගෙ ස්වාමි පුරුශයා වු අහිංසක යෝධයෙක් වූ, වින්ටන් අය්යවයි ගෙයි වෙන කාමරයකට එක්කං ගියා. එතකොටයි අරනෝලිස් බාප්පගෙ කට වැහුනෙ.

ගෙදර එන ගමන් අපේ අම්ම කියනව, ගිය තැන අරනෝලිසා බාල්දි පෙරලනව. කණ මොදය වගේ පෙරේත කමට බොනව. රංජනීගෙ අම්මට තාත්තට, මනමාලයට නැති කැක්කුමක් එයාට කොහෙන්ද ආවේ? එන්ලොප් එක් නොදී මාරු වෙන්න පුලුවන්නෙ පවුලම හොඳට කාල බීල.
අද වැඩේ හරි ගියෙ නෑ...



Monday, October 22, 2012

සරත් ෆොන්සේකා හෙවත් මිලිටරියේ මානුශික මුහුණුවර


ඇත්තටම  අපි මුලින් දැක්කෙ ජවිපෙ හා යූ එන්පිය(රනිල් හා ඉහල පෙළ කස්ටිය ඇර)  විසින් පුම්බපු ජෙනරල් සරත්,

යුද්ධෙ දිනපු ගමන්,
උණු උණුවේ....

ඉන්පසු එතුමාට හිරේ යන්න උනා.
මාතලන් කිව්ව වගේ දේශපාලනේ ඉන්නෙ ගල් ආඳො; රනිල් තුමා විපක්ශ නායක කම, ඇපත් නැතුව යන එක බේර ගත්ත. ආණ්ඩුව එතුමගෙ හුලං බස්සන්න පුලුවන් හැම දහං ගැටේම ගැහුවා.

එලියට ඇවිත් බලන කොට වටේ පිටේ හිටිය හුලං පුම්බපු  වින්කල් ආඳො පලාතකවත් නෑ.

තමන්ගෙ මිතුරන්ගෙ හැටි බලන්න තමන්ට කරදරයක් වෙන්න ඕනේ කියනවනේ.

ජෙනරල් සරත් ෆොන්සේකා මැතිඳු හිරේ ඉන්න කාලේ ඔක්කොම විරුද්ධ පක්ශ කාරයෝ වෙනසක් නොබල සහයෝගෙ දුන්න එතුමාව බේර ගන්න. අඩුම තරමින් කතා කරන්න. පෙලපාලි යන්න.
කාගෙ කාගෙත් වෙන වෙන එජෙන්ඩා Agenda තිබුනට  පොදුවේ බොහෝ පක්ශ එකතු උනා එතුමව බේරගන්න.
 ඒත් කාලයක් ගත උනා..
 ප්‍රජා අයිතිවාසිකම් ඉතුරු උනෙත් නෑ කියනවනේ.
 ඉතින් දුකේදී හැමෝම වගේ එකතු උනා.

පසු ගිය දහ අට වෙනිද උනේ වෙනම සිනාරියෝ scenario එකක්. එය දුටු ' බුවා ' අයියෝ ෆොන්සේකා කියල ෆොන්සේකා මහත්තයව උඩ ඉඳන් බිම වැටුන ගානට දාල කතා කලේ මතු පිටින් එහෙම පේන නිසා. බුවා තමයි සරලව දේශපාලනේ කතා කරන අපේ බ්ලොග් කරුවා. මට කොමෙන්ට් දාන්න ෆිට් එකක් තිබුනෙ නැති උනත් හැම දාම කියවනව. මාරයාත් හමුදාවල හිටපු කෙනෙක් විදියටත්, මේ ආණ්ඩුවේ ලොකු ලොක්කන්ට සම්බන්ධතා ඇති කෙනෙකු විදියටත් පසු ගිය පෝස්ටුවේ දක්වා තිබෙන ඔහුගේ මධ්‍යස්ත අදහස් ප්‍රශස්තයි කියල හිතෙනව. මම කැමතිම කෑල්ල මහජනතාව මෝඩ නෑ කියන එක.

පසුගිය 18වෙනිදා (2012 ඔක් ) කොළඹ හයිඩ් පිටියේ පැවති රැලියෙන් එතුමගේ ප්‍රධානත්වයෙන් පියවරක් තැබුව. මොකද්ද කරන්න යන්නේ කියල බොහෝ පාර්ශව වලට  පැහැදිලි කමක් නොතිබුනත් මහිතන විදියට එතුමගෙ පැත්තෙන් නිර්භීත පියවරක්. පිරිස් බලයක් එතරම් නොපෙනුනත් ස්වාධීනව ගොඩනැගීමේ අරමුණ පැත්තෙන් අන්තිම නරක තත්වයක් පෙනුනෙත් නෑ.  මොකද, ආණ්ඩුවත් යූ එන්පිය ප්‍රධාන විපක්ශයත් යම් තරමක  ශක්තිමත් තැනක ඉන්නේ. ඒ වටාපිටාව තුල විස්මිත, විකල්ප, වෙනත් ප්‍රතිපත්තියකුත් නොමැතිව, කොළඹ නගරය තුල ආණ්ඩුවට විරුද්ධව මෙවැනි රැස්වීමක් සංවිධානය කිරීමට යාමම ලොකු දෙයක් කියලයි මට හිතෙන්නේ. කවුරු මොනව කීවත් සඟ, වෙද, ගුරු, ගොවි, කම්කරු යන්නට ත්‍රිවිධ හමුදාවේ යුධ භටයනුත් එකතු විය යුතු බව එතුමා අපට කියා දෙනව. යුද්ධය කවුරු කුමක් අරභයා සිදු වූවත් දිවිදුන් යුධභටයින් විශාල කැප කිරීමක් කර ඇති බව අපට පිලිගන්නට සිදු වේ.

මට මතකයි, එතුමා කියනව යුද්ධයේ අන්තිම කාලයේදී, මේ ප්‍රශ්නය එනම් ජනවාර්ගික ප්‍රශ්නය, යුද්ධයෙන් පමනක් විසඳන්න පුලුවන් ප්‍රශ්නයක් නොවෙයි දේශපාලන ක්‍රියාමාර්ගයක් අවශ්‍යය යයි කියල.

ඒත්, අද පැහැදිලිවම වෙනස්.

ෆොන්සේක මහත්තයගේ නව සංවිධානය

භික්ෂු පෙරමුණ ධජය යටතේ
බෞද්ධ
සිංහල
දූශණයට විරුද්ධ- මේ සටන් පාඨයට ලංකාවෙත් ඉන්දියාවෙත්(අන්නා හසාරේ ව්‍යාපාරය ) පොදුවේ හැම රටකම ඉල්ලුමක් තිබේ.
ඒකාධිපති ජනපති ව්‍යවස්තාවට විරුද්ධ බලවේගයක් ලෙස ගොඩනැගීමයි අරමුණ ලෙස පෙනෙන්නේ.


ඒ මහත්තය නව දිශානතිය කල්පනා කරල බලල, ගනන් හදල බලල තේරුම් බේරුම් කර ගත්තා විය යුතුයි.

පැහැදිලිවම සම්ප්‍රදායික වමෙන් වෙන් විය යුතුයි යන ප්‍රතිපත්තිය,
 අනෙක ඇමරිකානු ලංකා ප්‍රතිපත්තියට අනුකූල විය යුතුයි.
 (අරුනි සෑහෙන සන්තෝශවෙයි ඒ කාරණාවට )
එමෙන්ම විශ්‍රාම වයසට,
ඔහුගේ මුලු පවුලටම ගැලපිය යුතුයි.


එය ජවිපෙන් වෙන්වෙන්නේ බොහෝ සුලු වශයෙන්. එය නම් ජවිපෙ ආර්ථික ප්‍රතිපත්තිය , සංවෘත ආර්ථිකය පමණය. ඇත්තටම සරත් ෆොන්සේකාට ඇතුල්වන්නට සිදුවන්නේ ජවිපෙ ඡන්ද පදනමටයි, කියල මට නිකං හිතෙනව.
ඒ ඇත්තො ඒක ඉල්ලං කාපු එකක්. අමරසේකර, නලින්, ජේ ආර් පී ආදී අනන්‍යතා  කස්ටිය ගේ සිහින ලෝකයේ කුමරා මහින්ද වූවාසේම ජවිපෙ සිහින කුමරා, 'රතු හමුදාවේ' ලොක්කා, ජනරාල් සරත් ෆොන්සේකා විය. කාගෙ ඇඟේ තියලද කපන්නේ කියමින් බලාසිටි රනිල් තුමාට හිඟන්නාට ස්වීප් ටිකට් එකක් ඇදුනා හා සමාන විය.

කෙසේ වෙතත් හයිඩ් පිටියේ පැවති රැස්වීම, මී ලඟ ඡන්දයේදී යූ එන් පිය හෝ ශ්‍රී ලනිපය සමග කේවල් කිරීමකට යාමකට තරම් ප්‍රමාණවත් බවයි මගේ තේරුම.

 මන්ද මේ යන විදියට ඔහුට අවශ්‍යවන්නේ එක් පාර්ලිමේන්තු ආසනයක් පමණක්  වගේ පේන බැවිනි ?

අර්ජුන, ටිරාන් ආදී ඔබගේ සගයන් වේදිකාව මත නොමැති විට කෙනෙකුට එහෙම හිතෙන එක අසාධාරණ නෑ මහත්තයො?   ඒ නිසා ජාතික පක්ශයක් ලෙස වර්ධනය වීමට නම් මීට වඩා පුලුල් දර්ශනයක් අවශ්‍යය.


ලංකාවේ ඉහල පෙල විසින් ප්‍රතික්ශේප කරන ලදුව, ජනතාව අතරට ගිහිල්ල පුලුවන් නම් දිනාගනින්, යන ඔවුන් විසින් දෙන ලද අභියෝගය එතුමා භාර අරන් තිබෙනව.
 මිලිටරියත් හැදිල තිබෙන්නෙ මනුස්සයින්ගෙන්. ඒ අය විනයානු කූලයි, හැම දේම පිලිවෙලට, දිස්නෙට, ඒ අයටත් තිබෙනව මානුශික මුහුණවරක්. රටේ යහපත තකා සමහර විට කලාවට බර අපට අමානුශික ලෙස පෙනෙන දේවල් ඒ අයගේ එදිනෙදා පඩි ලබන රාජකාරිය. (උදාහරණ යුද්ධ කිරීම.)

  පොදු මහ ජනතාවට සවියක් වීමට හා අඳුරෙන් ගලවා ගැනීමට ශක්තියක් වීමට එතුමාට ශක්තිය ලැබේවා. මිලිටරියේ මානුශික මුහුනුවර පෙන්වීමට එතුමාට ධෛර්‍ය ලැබේවා.
එතුමගෙ තිබුනු, කෙලින් කතා කරන කමට අවංක කමට බොහෝ ජනතාව කැමතියි.
අපේ දේශපාලකයනට නැතිම දේ ඒකයි.! අපේ රට හොඳ ප්‍රජාතන්ත්‍රවාදී රටක් වීමට නම් එය අත්‍යවශ්‍ය දෙයක්!


යමක් සාර්තක උනහම හැමෝටම සාර්ථකත්වයෙන්/සාමයෙන් පංගුවක් ඕන වෙනව. Every one wants a piece of peace මෙතැනදී  සාමය. යුද්ධය සාර්ථකයි. එහි පාර්ශව කරුවෝ තමන්ගේ කොටස් ඉල්ලනව.

1. සංඝයා වහන්සේලා හෙළ උරුම කරුවන් - එතුමන්ලාට පාර්ලිමේන්තුවෙ ආසන ලැබිල තිබෙනව
2. ජනතාව 6% ක් අද්‍යාපනයට ඉල්ලනව.
 (ඒක ජනතා ඉල්ලීමක් ලෙස පාලක උතුමන්ලා සලකත්වා. මන්ද? අපේ හයිය අධ්‍යාපනයයි.)
3. වැඩ කරන ජනයා ජීවන වියදමට සරිලන වැටුප් ඉල්ලනව.
4. ගොවියො, ධීවරයෝ සිය නිශ්පාදනවලට මිලදී ගනියව් කියනව.
5. ත්‍රස්තවාදයෙන් මිදුනු දෙමල ජනයා සිය ප්‍රජාතන්ත්‍රවාදී අවස්තාවන් ඉල්ලා සිටිනව. (ගෝඨාභය මහත්තය 13 A නැති කරන්න හදන කොට රනිල් තුමා හිනා වෙනව ඇති, අන්න බලාපල්ල, Gota is palying for me now කියල. රනිල් බලාගෙන ඉන්නෙ ඒ ප්‍රශ්නය ඇදෙන කම් ගොඩ යන්න. )
6. මිලිටරිය සිය මානුශික මුහුනුවර වෙනුවෙන්  කුමන්ත්‍රණ වලට නොයා ප්‍රජාතන්ත්‍රවාදීව සිය කොටස ඉල්ලා සිටිනව ජෙනරල් ෆොන්සේකා හරහා.

සිංහයගේ කොටස Lions Share එක් පාර්ශවයක් විසින් පමණක් බුක්ති විඳින කොට ප්‍රශ්න.

මම කැමත්තෙන් හිරේ ගියා කියල දිව් රුම් පෙත්සම් දෙන්න සමාව ගන්න තරම් එතුමා පහලට වැටෙන්නෙ නෑ. මිලිටරියටත් ඒ සේවයටත් නම්බුවක් තියෙනව. දෙමල ජනයාටත් නම්බුවක් තිබෙනව. රටේ ඉගෙන ගත් නොගත් තරුණ හැමට නම්බුවක් තිබෙනව. ඔවුනගේ නම්බුවට
 බුද්ධියට නිගා නොකල යුතුයි.

 මෙයින් සමහර පාර්ශව මරාගෙන මැරෙන්න ගියේ  ඒකයි.

මේ මොහොතේ සියලු පාර්ශව එතුමාව අත හැරියත්,
සරත් පාර්ශවයේ ගමන් මග සියලුම පාර්ශවයන් විසින් ඉතාම සැලකිල්ලෙන් බලා සිටිනවාට අනෙක් විරුද්ධ පක්ශවල ගමන් මග තීරණයට බලපානවාට සැක නෑ.



Attempt on SF’s life: bomber’s aide sentenced

E-mailPrint
Kegalle High Court today sentenced an accused to 35 years rigorous imprisonment for aiding and abetting a female LTTE suicide cadre who attempted to assassinate former Army Commander Sarath Fonseka on April 26, 2006.

High Court judge Ms. Menaka Wijesundara convicted Shanmugalingum Sooriyakumar alias Suri in four counts including escorting the suicide bomber Manjula Devi from Kilinochchi and harbouring her in Weliweriya. The convict was a lorry driver from Rambukkana.

The female suicide bomber attempted the assassination of Fonseka on April 25, 2006 at the Army Headquarters in Colombo. (Kegalle - Rohan Kumara)



Govt. allies want 13-A scrapped

E-mailPrint
Several allies of the ruling United Peoples Freedom Alliance (UPFA) have decided to continue their campaign to pressure President Mahinda Rajapaksa to abrogate the 13th Amendment to the Constitution, by using the two-thirds majority in Parliament, Daily Mirror learns.

The Jathika Nidahas Peramuna (JNP) led by Minister Wimal Weerawansa and the Jathika Hela Urumaya (JHU) have started a public campaign against the 13th Amendment.

The Mahajana Eksath Peramuna (MEP) led by Minister Dinesh Gunawardane has also decided to prevail upon the government in this regard.

Minister Gunawardena told Daily Mirror his party foresaw the consequences of this piece of legislation introduced in 1987 under the Indo-Lanka Accord giving birth to the provincial councils, which have become white elephants.

“This is a hastily prepared piece of legislation. The provincial councils are useless. They waste public funds. We have to do away with this system at least now,” he said. “In Sri Lanka, even education and health have been devolved to the provinces. These are two crucial subjects, which need to be handled by the central government to develop a country. We are witnessing the repercussions of leaving such powers in the hands of the provincial councils.

Asked whether he would carry out a public campaign, the minister said that his party would first discuss the matter with the government.

“We have written to the government on several occasions. We will take it up again. The government has a two-third majority in Parliament. It can be used to abrogate the 13th Amendment,” he said.

The MEP is an ally of the ruling coalition with three parliamentary seats. Digamadulla district MP Sriyani Wijewickrema and Deputy Minister Geethanjana Gunawardane are the two others.

He said that instead of the provincial councils a district council system could be set up to implement and co-ordinate development work.
“The Pradeshiya Sabhas and Urban Councils should be strengthened,” the minister said.

Referring to the Indo-Lanka Accord, he said though the former Indian Prime Minister Rajiv Gandhi played a role in introducing this law here, there are village-based administrative bodies set up in India to carry out grassroots level development activities.

The minister said the MEP wants the cultural and linguistic concerns of people in the North addressed. (Kelum Bandara)

දුක්‌ සැප කුමන්දා
මාවනැල්ල අලුත්නුවර ශ්‍රී දැඩිමුණ්‌ඩ දේවාලය වෙත ඊයේ (20 දා) පැමිණි හිටපු යුද හමුදාපති සරත් ෆොන්සේකා මහතා කීර්ති ශ්‍රී රාජ මහා විහාරය වැඳ පුදා ගැනීමෙන් අනතුරුව දේවාලය වෙත පැමිණ දේවා පූජාවකටද සහභාගි විය. පුදබිම වෙත පැමිණ සිටි ආබාධිත තරුණියකගෙන් ෆොන්සේකා මහතා සුවදුක්‌ විමසන අයුරු දැක්‌වේ.

ඡායාරූපය යූ. ආර්. ජයන්ත සේනානායක - මාවනැල්ල



Sri Lanka opposition leader Sarath Fonseka at Colombo rally

Sarath Fonseka at the Colombo rallyThe turnout at the rally was much lower than Mr Fonseka would have hoped for
Leading Sri Lankan opposition figure Sarath Fonseka has held his first big political gathering since serving two years in jail after losing a presidential election.
The former general called for major political reforms.
But the BBC's Charles Haviland in Colombo says that disunity among the opposition meant the turnout was low.
Mr Fonseka unsuccessfully stood against President Mahinda Rajapaksa in a presidential election two years ago.
But he lost after a vitriolic campaign and was imprisoned shortly afterwards.
Mr Fonseka's lawyer said in May that the terms of his release prevented him from running for office for seven years.
But that has not stopped the former general - credited with playing a leading role in defeating Tamil Tiger rebels in the country's civil war that ended in 2009 - from re-entering politics.
He and his supporters have pledged to fight constitutional changes which have made President Rajapaksa one of the world's most powerful presidents.
They also strongly criticised what they said was the breakdown of the rule of law and the undermining of democracy in Sri Lanka.
Our correspondent says that although nearly 1,000 people including many Buddhist monks attended the rally and stayed despite a heavy downpour, the turnout was much lower than Mr Fonseka would have wished.
The former general is at loggerheads with Ranil Wickremesinghe, the leader of the main opposition party, who ordered his colleagues not to attend the rally.
Many of those who did go to it were strongly critical of Mr Wickremasinghe's move, accusing him of creating divisions and sectarianism within the opposition.
But it appears that the president has shrewdly succeeded in using the release of his great rival to fragment the opposition, our correspondent says, and the president - still popular with the Sinhalese majority - seems more powerful than ever.

More on This Story

Sri Lanka After War




Friday, October 19, 2012

හරියට බැලුවොත් මගේ රිදී පදක්කමත් මට හිමි නෑ.




දැන් හැමෝම වගේ පමා වෙලා හරි අවංක වෙන්න පටන් අරගෙන .අලුත් ඇමෙරිකන් මෝස්තරයක් වද්ද මන්ද? අපි බටහිරයන්ට බැන්නට, අවංක කම අපට වැඩියෙ තිබෙන්නේ ඒ අය ලඟ. කුහක කම වැඩිම අප ලඟ. කෙසේ වෙතත් වැඩියෙ උස්සන්න යන්න අවශ්‍ය නෑ. මං මොටද බටහිරයා යන කාඩ් එක ගහ ගන්නෙ.

සුසන්තිකාගේ ඔලිම්පික් ලෝකඩ පදක්කම රිදී බවට
උසස්වීමක් ලද්දේ රත්තරන් පදක්කම ගත්ත අමෙරිකානු ජාතික ගෑනු ළමය හදවතට එකඟව තමන් තහනම් උත්තේජක ගත්ත බව පිලි ගත්ත නිසා. මෙරියන් ජෝන්ස්ගෙ  පාපෝච්චරණය නිසා ඇය බෙයිජින් ඔලිම්පික් තරඟයේ ලැබූ පදක්කම් පහම දැන් ඇයට උරුම නැත. අරුනි දන්නව ඇති වැඩි විස්තර

ඒ වගේ මයි මේ ලඟදී සයිකල් ශූරී ලාන්ස් ආම්ස්ට්‍රොන්ග් තමන් තහනම් උත්තේජක ගත්ත බව පිලි අරගෙන තමන්ගෙ සියලු වරප්‍රසාද අහිමි කර ගත්තා.


මේව ඇහෙන කොට ඇත්තටම මගෙ වරදකාරී හැඟීම තීව්‍රවී හදවතට තට්ටු කරන්නට පටන් ගනී. මේ කුමක් වෙන්දෝයි  හදවතේ පෙස් මේකරය කලබල වී ඩිගි ඩිගි ගා සිය තිගැස්ම පලකරයි. එයින් මොලයට නියුරෝන හරහා වේගවත් පනිවුඩ යවයි. මොලයෙන් අක්ශිවල ඇති කඳුලු ග්‍රන්ථිවලට අණ කරයි.
 අඬනු!
කඳුලු දෙකොපුල් හරහා රූරා ගලයි.

කුමන අසාධාරනයක්ද මවිසින් කරන්නට යෙදුනේ.

එය සිදු වූයේ 1983 ජූලි කලබලයට පෙරය. (මට මොන මලදානයක්වත් කතා කරන්න බෑ ජූලි කලබලේ නැතුව. )තර්ස්ටන් මාවතේ දැන් වෙනත් නමක් මහිතේ. විශ්ව විද්‍යලයීය ජවන හා පිටිය උලෙලේ අංගයක් ලෙස පැවති ෆ්‍රෙශර්ස් ඇත්ලටික්  Freshers Athletic Meet තරඟාවලියේදී මවිසින් තුන් දෙනෙක් පමනක් තරඟ වැදුනු මීටර සීයේ තරඟයේ දෙවන ස්තානයට හිමි රිදී සහතිකය පිලිබඳවය මගේ මේ හද කකියන වේදනාව. එනම් මා සිටියේ තහනම් උත්තේජකයක් ගෙනය. එදා මා මිත්‍රයන් කීප දෙනෙකු සමග පොඩි ඩ්‍රින්ක් පාටියකට ගොස් පැමිනි වහාම තමයි මේ තරඟාවලිය තිබුනේ.

ඇත්තටම මා මේ පිලිබඳව චිත්තපීඩනයට පත්වී සිටිමි.

කුමක් කරන්දැයි තවම මට සිතා ගත නොහැකි වී ඇත.

මෙරියන් ජෝන්ස්ගේ අවංක මුහුණ මට හීනෙන්ද පෙනෙන්නට පටන්ගෙන ඇත.
පිරිසිදු ඡන්දවලින් දිනන අපේ දේශපාලකයන්ගේ අවංක මුහුණුද ඒ සමගම ඇල්බමයක පිටු පෙරලෙන්නාසේ ම'ඉදිරියේ පෙරලෙන්නට පටන් ගනී.

Wednesday, October 17, 2012

මට බූට් එක තිබ්බට හොඳ වැඩේ






මගේ හිතවතෙක් සම්බන්ද සිද්ධියක් මෙය. මෙහි මුල් අවුරුදු 25ක අතීතයකට දිව යන  කතාවක්. 


අපේ හිතවතිය නිර්මලී බෝම හොඳ ගති ගුණ තිබුන කෙනෙක්. ඒ කාලෙත් ලස්සනයි. පංතියෙ අපි බොහෝම ලඟින් තමයි ආශ්‍රය කලේ. විසේ කාලෙ... දන්නැද්ද ඉතින් ඕන්නැති විහිලුත් කරනව.  හැබැයි ඉතින් පඳුර වටේ කැරකෙනව විතරයි.  (අමුතු හොඳක් නිසා නොවෙයි ආසයි බයයි නිසා මං හිතන්නෙ.. )

කොහොම හරි අපේ  'ගැන්සියෙ'  කොල්ලෙක් වෙච්ච සුනිල් එක්ක තමයි පලමු වරට යාලු උනේ.


පසුව නිර්මලී අපේ මිත්‍රයගෙන් වෙන් උනා. 
කාලය ෆාස්ට් ෆෝවර්ඩ් කලොත්;

ටික කාලෙකට පස්සෙ වෙනත් කොල්ලෙක් සමග යාලු උනා. එහෙම එහෙම කාලයක් ගත උනා. එතෙර ගියා කියල ආරංචි උනා. 
පසුව මේ අවාසනවන්ත සිද්ධිය ....



 විවාහ වී දරු මල්ලන් ලැබ  එතෙර සතුටින් ජීවත් වූ  නිර්මලී යම් ශල්‍ය කර්මයක් අතර තුර මොලයට ඔක්සිජන් අඩුවී කෝමා තත්වයට පත්වීමෙන් පසුව නැවතත් ප්‍රකෘති තත්වයට පත්වූයේ නෑ. සිහි මඳ ගතියෙන් පසුවෙන බව ආරංචි වෙනවා.


(කුඩා දරුවන් සිටින පවුලක අම්මා ලෙඩ උනාම ඉතින් කියලා වැඩක් නෑනේ. 
හබියට ප්‍රශ්න ඩබල්.)


අපේ සුනිල කාරයත් නිර්මලීගෙන් බූට් එක කාල විස්සෝප වෙවී ඉඳල හොඳ අත්තක් බලල කොක්කක් ගහල නිර්මලීට වැඩියෙ පෙනුම තිබෙන කෙනෙකු බැඳ ගත්ත. ඒ අයත් බෝම හොඳින් ඉන්නව.

අපි ඉස්සර සුනිල්ට විහිලු කරනව නිර්මලී උඹව දාලා ගියේ අත අල්ලගෙන ගියා මිසක් වෙන මොකවත් කලේ නැති නිසා කියල.


මේ ලඟදී නිර්මලීගෙ කතාව ඇදිල ආපු වෙලාවෙ සුනිල් කාරය කියනව..

මට නං කිසිම දුකක් නෑ. මාත් එක්ක හිටිය නං ඕක වෙන්නෙ නෑ, කියල



Wednesday, October 3, 2012

මසට කිඹුල්ලු අල්ලන ලංකාවේ ක්‍රමයට විරුද්ධ වූ නැන්දයි මාමයි




කිඹුල් මස් අනුභව කර තිබෙන  අය දන්නව ඇති.... රස හා පෙනුම.. තෝර මාලු වගේ කියලනෙ කියන්නේ.
මේ ලියන මා නම් මේ වර්ගය රස බලා නැත. ඉදිරියට එහෙම අදහසකුත් නැත. දැන් මස් වර්ග කෑම අඩු කරන කාලයයි ඇවිත් තිබෙන්නේ.  (කතන්දර ශූරීනුත් දැන් සිල් සමාදන් වෙනව වගේනෙ හතර පෝයට; ඔය බිනර පෝයට දහම් පනිවුඩයක් නිකුත් කරල තිබුනේ. )

ඉතින් මේ කිඹුල් මස් කිලෝ  එකක් රුපියල් පනහට හැටට විකුණපු කාලෙකුත් තිබිල තියෙනව.
මේ වගේ කතා අස්සෙ තව කතාත් තිබෙනව.


පුන්චි සංදියෙ ඉඩෝර කාලෙට ගෙදරට ආපු ඉබ්බන්ව වෙල දිහාට තල්ලු කරල යවපු හැටි තවම මතකයි. මාතලන් කියන ඒ අපේ ළමා කාලයයි.

හැත්තා දශකයේ ජනගහනය වැඩිවීම හා අහේනි කාලෙට අහුවෙච්ච් ජනතාව ඉබ්බො විතරක් නොවෙයි කලවැද්දො, හෝතඹුවො,  ඔක්කොම කන්න පටන් ගත්ත නිසා ගෙදරට ආපු ඉබ්බො නැවත නම් ආවෙ නෑ.
ඉබි මස් කෑවහම මස් ගොබ හයිය වෙනවලුනේ. ඉස්පිරිතාලෙ ගියහම ඉන්ජෙක්සොන් ගහන්න අමාරු උනහම නේස් නෝන අහනවනේ ඉබිමස් ද කන්නෙ කියල.

මේ දවස් වල ටිකක් උඩහට යනකොට කියන්න කොළඹින් ටිකක් ඈතට යනකොට,

ඉත්තාවුන් වැලක අමුණා එල්ලාගෙන පාර අයිනේ විකිනීමට අල්ලාගෙන සිටින දකින මා තුල, අර ඒ දවස්වල අපේ ගෙවල් පැත්තේ ඇවිත් ගිය ඉබ්බෝ ගැන මෙන්ම, ඉත්තෑවුන් ගැන ද දුකක් උපදී. ඒත් එයින් පවුලක දිවි රැක දීමට උදව්වෙනවා ඇති යයි හිත හදාගන්නව.


යුද්ධයෙන් යට ගොස් සිටි කිඹුල්ලු කතාවලට දැන් තැනක් තිබේ. නැත්නම් අවුරුදු තුන හතරකට පෙර බෝම්බෙකට අසුවී 100ක් වත් මලේ නැත්නම් එය ප්‍රවෘත්තියක් නොවේ. ඒ නිසා දැන්  කිඹුලෙකු අල්ලාගත් විට මරු සිරා අල්ලා ගත්තාට වඩා ජොලියකි. කිඹුලාව සමග ෆොටෝ එකේ ඉන්න අයගේ මුහුනේ හිනාව මගුල් ෆොටෝවලවත් තිබ්බාදැයි සැකය. ඒ තරමට කට කනේය. පොඩි විහිලුවක් කලා, කිඹුල්ලු අල්ලන්න යන අපේ මිත්‍රයො තරහ නොගනී කියල හිතනව. මිනිහට වැඩියෙ කිඹුලව ලොකු වෙන්න බෑනේ. අලිය කොච්චර ලොකු උනත් සමහර වෙලාවට අලින්ටත් වෙඩි තියල දානවනේ. මිනිස්සු මරන්න එන එකාව අල්ලල ඉඹ ගන්නද කියන්නෙ.... නැද්ද?

කිඹුල්ලු,   කබර ගොයි වගේ මල කුණු කන්නෙ නෑ. පණ තිබෙන ෆ්‍රෙශ් බීෆ්, ශුනක මස්, මිනි මස්, වගේ දේවල් තමයි කන්නේ.

මේ බව දන්න අපේ ගොයියල මොකද කරන්නෙ;  ලාබෙට හොයා ගන්න පුලුවන් පන පිටින් යොදන්න පුලුවන් ඇම විදියට බලු පැටව් බෙල්ලෙන් බැඳ, පොලොවෙන් ඉහලින් සිටින්නට  ගහක එල්ලා තබනව. බලු පැටියට තමයි උගුල මුවා වෙලා තිබෙන්නේ, බලු පැටව් රෑ පුරා මර ලතෝනි දෙනව ඌව බෙල්ලෙන්නෙ එල්ලල තියෙන්නෙ. ඒක ඇහෙන කිඹුල්ලු බලු පැටියව කන්න එනව. බලු පැටියව ගිලින කොට උගුලට අහුවෙනව.

 නැන්දයි මාමයි රෑට ගිහිල්ල හොරෙන්,  බලු පැටව් නිදහස් කරනව.


උගුල අටෝපු මෑන් හිතන් ඉන්නව ඇත්තෙ; කුක්කගෙ ලතෝනිය නැවතුනා; කල්ල මරේ කියල.


මාතර ගඟේ ඉන්නා කිඹුලිගෙ පැටියා
තල්ල සුදුයි බෙල්ලේ ගෝමර කැටියා
යන එන ඔරු පාරු නවතාගෙන සිටියා
මිනී නොකයි මාතර කිඹුලිගෙ පැටියා