Followers

Monday, June 16, 2014

අලුත්ගමින් නැගෙන ආගම්වාදී ජාතිවාදී උමතුවේ ගිනිදළු....! ලොක්ක කොහෙද පිට රටක ගිහින්, ඡන්දත් ළඟයි, හොඳම තුරුම්පුවක් ගහමු! ධාතූත් වඩම්මල දකුණෙ ප්‍රදර්ශනය කරනවලු, තව අවුරුදු 30ක් අදින්න පුලුවන්!

අලුත්ගමින් නැගෙන ආගම්වාදී ජාතිවාදී උමතුවේ ගිනිදළු....!
බූන්දි, සඳුදා, ජුනි 16, 2014 01:59:33
"නටන්න එන්න එපා.. නැටුවොත් දෙවෙනි පියවර බේරුවල, අලුත්ගම යනාදී වශයෙන් මේ තියෙන කඩ සාප්පුවලට අබ සරණයි!" (ජනතාවගෙන් ප්‍රීති ඝෝෂා)
-ගලගොඩඅත්තේ ඥාණසාර හිමි, 2014 ජුනි 15 දින අලුත්ගම බොදු බල සේනා රැළිය අමතමින්

පසුගිය දින කිහිපය තුළ යුධ පිටියක් වූ අලුත්ගමට දැන් යළි දැනුම් දෙන තුරු ඇඳිරි නීතිය පනවා තිබේ. ගැටුම්වලට හේතුව ලෙස විවිධ කාරණා ගෙන හැර පෙන්වන අතර බෞද්ධ භික්ෂුවකට පහර දුන්නේය යන සිද්ධිය ද සිංහල දරුවෙකුට මුස්ලිම් කඩයක් තුළ සිදුවී යයි කියන අපචාර සිදධියක් ද ඉන් ප්‍රධාන තැන් ගනියි. ඉන් අනතුරුව බොදු බල සේනාව අලුත්ගමට පිවිසි අතර බොබසේ විසින් කරන ලද ලේ උණු කරන ජාතික ආමන්ත්‍රණයෙන් ඔද වැඩී ආපසු යමින් සිටි සිංහලයින්ට මුස්ලිම් ජාතිකයින් විසින් පහර දුන් අතර ඊට පිළිතුරු ලෙස මුස්ලිම් ජාතිකයින්ට අයත් කඩ ගිනි තැබිණි. මේ වන විට අලුත්ගම ජන ජීවිතය සම්පූර්ණයෙන්ම අඩාල වී ඇති අතර මුස්ලිම් සිංහල සියලු දෙනා පසුවන්නේ බියෙනි.

මේ වන විට මෙම උණුසුම මතුගම වැනි ප්‍රදේශ දක්වා ද පැතිරී ඇති අතර මතුගම ද මුස්ලිම් කඩ සප්පුවලට ගිනි තබා ඇත. එමෙන්ම කට වචනයෙන් සහ විවිධ ආරංචිවලින් තොරතුරු දැනගන්නා ජාති මාමක පිරිස් මතුගම තරම් ඈත සිට මෙන්ම අවට ගම්වලින් ද විවිධ වාහනවල නැගී අවුත් අලුත්ගම මුස්ලිම් කඩවලට ගිනි තබා තිබුණි. ඔවුන් ගණනින් දහස් ගණනක් වූ අතර මේ වන විටත් කිසිවෙකුත් සාමකාමී එළඹුමකට පිවිස නැත. අද වන විටදෙහිවල වෙළඳ සැලකට ගිනි තබා ඇති අතර ගැටුම්වලින් සිදු වූ මරණ පිළිබඳ සංඛ්‍යා ලේඛණ ද මේවන විට නිකුත් වෙමින් පවතියි. මේ ව්‍යසනයේ ව්‍යාප්තිය සහ එහා ප්‍රතිඵලය සිතා ගැනීමටත් අසීරු බියකරු එකක් පමණක් බව ජාතිවාදයේ බොහෝ සිදුවීම් අත් දැක ඇති අපි කවුරුත් දනිමු.



ඊයේ රාත්‍රී 9 ට පමණ අපගේ හිතවතෙකු, ආරක්ෂිතව පසුවන්නේදැයි විමසීමට අලුත්ගම වසන සිය ඥාති සහෝදරියකට කතා කළ විට ඇය සහ දරුවන් ඇතුළු නිවැසියන් සිට ඇත්තේ නිවස ඉදිරිපිට පාරේ ය. නිවස තුළට වී නිදා ගැනීමට හැකියාවක් නැත්තේ මුස්ලිම් පිරිසක් පැමිණ නිදා සිටින විට ගිනි තබාවිදැ යි යන බියෙනි. උදේ හවා කතා බහ කළ අසල්වැසි මුස්ලිම් කිහිපයකට අයත් නිවෙස් මඳක් එහායින් ගිනි ගෙන දැවෙයි. අහල පහල සියලු සිංහල පවුල්වල පිරිමින් ඇඳිරි නීතිය නොතකා ප්‍රධාන පාර අසල රැස්ව සිටින්නේ සිය නිවෙස්වලට ප්‍රහාරයක් එල්ල කරනට පිරිසක් පැමිණියහොත් එය වලක්වන අටියෙනි. ඇඳිරි නීතිය කඩ කරන බැවින් පොලිසිය හා එම පිරිස අතර බහින්බස් වීමකි. හෙට වාර විභාගයට පෙනී සිටිය යුතු එකොලොස් හැවිරිදි දියණිය බියේ ගැහෙමින් අම්මා ගේ අතක එල්ලී පාරේ නිදි මරයි.

එම සිංහල බෞද්ධ සහෝදරිය මෙන්ම ගමේ සිංහල මුස්ලිම් කාගෙත් ලෙඩට අත්බේත් කළ ඇගේ අසල්වැසි ෆර්සානා ද ජීවිතයට ඇති බිය නිසාවෙන් අසල ඇති පල්ලියක ආරක්ෂාව පතා ගොසිනි. අලුත්ගම නගරය හරහා ගමන් ගත් වාහන, බස් රථ සහ දුම්රියන් අලුත්ගම දී සහ බේරුවල දී නතර කරමින් මුස්ලිම් මිනිසුන් එළියට ඇද ගනිමින් පහර දී තිබුණි. අනෙක් අතට අලුත්ගමකාදියවත්ත හරහා ගමන් කළ සිංහල මිනිසුන්ට ද ඇමති වාහනවලට ද මුස්ලිම් පිරිස් ගල් මුල් ප්‍රහාර එල්ල කර තිබුණී.

මේ තාක් මේ ගමේ මඟුලට තුලාවට එකතු වුණු පෙරහැර කාලයට එකට පෙරහර බැලූ, දෙවොල් මඩු කාලයට එක්ව දෙවොල් මඩු බැලූ අවුරුද්දට රාමසාන් කාලයට කෑම පිඟාන බෙදා ගත් මිනිසුන් දැන් එකිනෙකාට බියෙන් මහ මඟට බැස වෙවුලමින් හිඳිති.

අන්තවාදී ආගමික කල්ලි විසින් ආසන්න අවුරුදු කිහිපය තුළ අවුලවමින් සිටි ආගම්වාදී ජාතිවාදී උමතුවේ ගිනිදළු දැන් අලුත්ගමින් නැගෙයි. එයින් අලුත්ගම සාමාන්‍ය මිනිසුන් පිළිස්සෙයි. සාමාන්‍ය මිනිසුන් තවමත් සිය පවුල්වල ආරක්ෂාව පතා දුව පැන ඇවිදින විට දේශපාලන ආශිර්වාදය සහිත අන්තවාදී ආගමික කණ්ඩායම් ඒ සාමාන්‍ය මිනිසුන් තුළ ඇවිලවිය හැකි ගින්නට ජාතිවාදයේ පිදුරු දමයි. සාමාන්‍ය පුරවැසියන් එහෙම ය. පිදුරු දමන්නට දමන්නට ඇවිලෙයි. මේ රටේ දේශපාලන පක්ෂ ද අන්තවාදී කණ්ඩායම් ද ආක්‍රමණිකයින් ද සියවස් ගණනක් තිස්සේ ප්‍රයෝජනයට ගත්තේ ඒ ස්වභාවය යි. "ගහපියව්" කියූ විට ගහන්නට ද "ගිනි තියපියව්" කියූ විට ගිනි තියන්නට ද "බෙලි කපපියව්" කියූ විට කඩුව ගන්නට ද නැගිටින සිංහල ද්‍රවිඩ මුස්ලිම් අපේ මිනිස්සු මේ අන්තවාදී න්‍යාය පත්‍රවල ගොදුරු වෙමින් එකිනෙකා මරා ගනිති.



හුදු කේවල සිද්ධීයක් ජාතියකට එරෙහිව ජාතියක් නැගී සිටීමක් ලෙස අර්ථ දැක්වීමට මේ මිනිසුන්ට පුරුදු කළේ කවුරුන්ද? අදාල සිද්ධීන් පොදු නීතිමය පරිසරය තුළ විසඳා නොගෙන බොබසේ/සිංහල රාවය වැනි අන්තවාදී සංවිධාන වලට ඒවා ට මැදිහත්වීමට හැකි වාතාවරණයක් නිර්මාණය කළේ කවුරුන්ද? උදේ හවා මාධ්‍යවලින් ද ප්‍රසිද්ධ සම්මන්ත්‍රණ රැළි තබමින් ද වැපිරවූ ජාතිවාදය සහ ආගම්වාදය ට ආශිර්වාද කළ දේශපාලනඥයින් ට අවශ්‍ය වූයේ ද මෙයම නොවේද? පසුගිය කාලය පුරාම අන්තවාදී කොටස් විසින් අවුලුවන වන ලද ගිනිපුපුරුවල උෂ්ණත්වය රට පුරා පැතිරුණු අතර ජාතියේ ආගමේ නාමයෙන් පුපුරන්නට බලා සිටි මිනිසුන්ට අවශ්‍ය වූයේ කුමක් හෝ සිද්ධියක් පමණි. දුර දිග නො බලන අලුත්ගම ජනතාවට සිද්ධි දෙකක් ම ලැබුණ අතර එහි ප්‍රතිඵලයක් ලෙස දින කිහිපයක් තිස්සේ උණුසුම් වෙමින් පැවති අලුත්ගම පිදුරු ගොඩට බොදු බල සේනාව ගොස් තෙල් තෙල් දැමුවේය. මහින්ද රාජපක්ෂ ජනාධිපතිවරයාට ප්‍රසිද්ධියේ බණින ගලගොඩඅත්තේ ඥාණසාර ආරක්ෂක අමාත්‍යාංශයේ ලේකම්වරයාට ප්‍රශංසා කොට ලකුණු දමයි. ජනාධිපතිවරයාට චෝදනා කරන්නට මේ දූපත තුළ ඔහුට එවන් බලයක් ආරෝපණය වන්නේ කෙසේදැයි බුද්ධිමත් ජනතාව වටහා ගත යුතුය.

නීතිය හා සාමය රැකීමට හා පොදු ජනයා අපහසුතාවයට පත්වීම වැලැක්වීමට යැයි කියමින් සරසවි සිසුන්ගේ සාමකාමී විරෝධතා වලට පවා වාරණ නියෝග ගන්නා පොලීසිය, ආගමික ගැටුමක මුවවිට- කොයි මොහොතක පුපුරා යා හැකිදැයි නොදන්නා තත්වයක් යටතේ 'ඊනියා' බොදු සමුලුවක් සඳහා අවසර ලබාදෙයි.

රට තුළ ඇති ආර්ථික සමාජ පරිහාණිය මත ගොඩ නගන සිය රාජ්‍ය බලය ට එරෙහිවන සියලු ආකාරයේ සවිඥානික තත්ත්වයන් මැඬලීමට ඇති අවිය වන්නේ ආගමික/ ජාතික අන්තවාදය යි. අර්බුද සහිත ඕනෑම රටකට පොදු තත්ත්වයක් වන මෙය ඉන්දියාවේත් එහෙමය. ලංකාවේත් එහෙමය. එය ඡන්ද තියනවාටත් වඩා පහසු ය. මන්ද ආගමික සහ ජාතික පිස්සුව මේ රටවල ජනතාවට හොඳ හැටි එන්නත් කොට ලේවලට කවා ඇති බැවිනි.

අවසානයේ කෙසේ හෝ ඇවිලීයන වර්ගවාදී/ආගම්වාදී ගිනිදැල් වලින් විනාශයට පත්වන්නේ දෙපාර්ශ්වයේම අහිංසක මිනිස් ජීවිත මිස මේවා පසුපස ඉන්නා සැලසුම්කරුවන් හෝ ඔවුන්ගේ දරු- පවුල් නොවේ. 1958 සහ 1983 දී කරනු ලැබූ මෙවැනිම වර්ගවාදී මුග්ධකම් හේතුවෙන් අපි රටක් වශයෙන් දශක තුකට වැඩිකාලයක් මුලුල්ලේ වන්දි ගෙව්වෙමු. දැන් නැවතත් තවත් වටයකින් එම ඉතිහාසයම රඟදැක්වෙනු පෙනේ.

ඊයේ පුපුරා ගිය සිදුවීම වූ කලී පැහැදිලි ලෙසම හුදකලා සංසිද්ධියක් නොවේ. එය වසර කිහිපයක් මුලුල්ලේ ක්‍රමක්‍රමයෙන් පෝෂණය කරන ලද මතවාදයක තාර්කික ප්‍රතිඵලයයි. දැන් රටක් සහ ජනතාවක් ලෙස අප හමුවේ ඇත්තේ සිංහලයින් වෙනවාද මුස්ලිමුන් වෙනවාද දෙමළුන් වෙනවාද යන ගැටළුව නොවේ. තව කොතෙක් කල් දේශපාලකයින්ගේ සහ ආගමික නායකයින්ගේ පටු ආගමික ජාතික වැඩපිළිවෙලවල්වල ඉත්තන් වෙනවාද, සියල්ලන් වැනසී යාමට පෙර මිනිසුන් ලෙස ශේෂ වීම සඳහා අප කුමක් කළ යුතු ද යන පැණය යි.

(ඡායාරූප- BBC වෙබ් අඩවියෙන්)

18 comments:

  1. It's disgusting that the politician are trying to recreate a 83 again, just so that people have something to talk about. So that people will always have an enemy to focus their hatred rather than the incompetent government.
    There are issues with BBS and there are issues with Muslim thugs in these areas, but those things needs to be dealt with by police and the Judaical system, not vigilant justice.

    ReplyDelete
    Replies
    1. ගලබොඩ අත්තේ නෝර්වේ පිල්ලියක්ද
      යුද්ධෙ කාලෙත් නෝර්වේ රටේ අත පෙවීම තිබුනා
      අපි නොදන්න බොහෝ දේ අප රට ගැන නෝර්වේ දන්නවා
      තෙල් සම්පත් හෝ වෙනයම් සාගර සම්පත් ගැනද මේ අත පෙවීම?
      ආයුද නිශ්පාදන සමාගම්වල හිමිකාරීත්වයක් තිබෙනවාද?
      එහෙම කියලා අපි නෝර්වේ තරහ කර ගන්න ඕන නෑ, නමුත් මේවා සොයා බැලිය යුතු දේ..
      අපේ ජාතීන් කොටෝල තිබ්බම කාටකාටත් උවමනා දේ කර ගන්න පුලුවන්.

      ගලබොඩාත්තේගේ භූමිකාව....ගැන මේ පිලිබඳවත් සිතාබලන්න

      සංඝයාට හා බෞද්ධාගමට තිබෙන ගරුත්වය නැති කිරීම
      සෝභිත පොදු අපේක්ශකයා ලෙස විත් ආණ්ඩු විරෝධී ඡන්ද ගැනීම වැලක්වීම, විශේෂයෙන් ආණ්ඩුවට නොලැබෙන මුස්ලිම් ඡන්ද සෝභිතට යාම වැලක්වීම

      ඉදිරියේදී ජාතීන් අතර සමගිය ආණ්ඩුවේ ජාතිවාදී පිළිවෙතට බාධාවක්, සමගිය නැතිවෙන තැනට වැඩ කටයුතු කිරීමයි අරමුණ.

      මා යුද්දයට එකඟ නැති වුවත් යුද්ධයෙදී විශාල කාර්‍යභාරයක් ඉටුකල විශේශ කාර්‍යභලකායේ හා intelligence යුනිට්වල යෝධයින් අතර මුස්ලිම් අයත් ප්‍රධාන බව මා අසා කියවා ඇත.
      සුද්දන්ගෙන් නිදහස දිනාගත්තෙත් එක්වීලයි.

      රටක එක කස්ටියක් ආගම ජාතිය පොරවගන්න ගියහම අනෙක් සුලු ජාතීනුත් තමන්ගෙ අනන්‍යතාවයන් සොයාගෙන යනවා.
      නලින්ද සිල්වා තුමාටත් අමරසේකරතුමාටත් සතුටු ඇති.

      ජීවත්වීමේ බර දරාගන්න බැරිව දඟලන මිනිස්සු ඉක්මනටම කුපිතකරන්න පුලුවන්. මිනිස්සු හිතන්නෙ අපි දුප්පත්වෙලා තියෙන්නෙ මේ මුස්ලිමුන් අපිව හූරගෙන කන නිසා කියල. 83 හිතුවෙ දෙමළ කඩකාරයා, සපත්තු මහන මිනිහා නිසා කියල. 83 මා කොළඹ වි වි පලමු වසරෙ, ගිනිගන්නා කොළඹ හරහා ඇවිදගෙන පයින්මයි ගෙදර ගියේ. මිනිස්සු ටී වී, රෙදි රෝල් කරේ තියාගෙන ගියා. මහචාර්‍ය වැලන්ටයින් ජෝශප්ගෙ නාලන්ද ඉස්කෝලෙ හරිය තිබුනු ගේ ගිනි තියල, සර් ඇඳිවත පිටින් කැම්පස් එකට දුවල ඇවිල්ල තුබුන.
      විශම චක්‍රය නැවත කැරකෙන්න අරං.
      ඒකට නායකත්වය දෙන්නෙ නෝර්වේ සම්බන්ධකම් තිබෙන සිවුරුධාරීන්.
      මහ බණ්ඩට වෙඩිතිබ්බෙත් සිවුර දාගෙන

      Delete
  2. සසර කලකිරරෙනවා මෙව්වා දකිනකොට

    ReplyDelete
    Replies
    1. ඇත්තටම ඕන භික්ෂුව හා බුද්ධාගම කෙරෙහි කලකිරවීම

      Delete
  3. දැන් නම් මේ දේවල් අහලා එපා වෙලා ,අපේ මිනිස්සුන්ට අතීතය මතක ටික දවසයි නේ

    ReplyDelete
    Replies
    1. මග එනවා.......
      පක්ශ තහනම විශේශයෙන් වාමාංශික පක්ශ තහනම,
      වෙඩි බෝම්බ, කලබල මැද්දේ මැතිවරණ,
      ආණ්ඩුවිරෝධී ඡන්ද තිබෙන ප්‍රදේශවල ඡන්ද වර්ජන

      Delete
  4. Biksuwak kiyanne kauda kiyala hamuduruwaru danneth nehe, minissuth dannae nehe, dan wenne andao kanawala allana eka, enith andayo passen yana eka thamayi wenne

    ReplyDelete
    Replies
    1. ලංකාවේ සාමාන්‍ය උෂ්නත්වය එන්න එන්නම වැඩිවෙනවා, කන්නෙත් වස විස, පැය විසිහතර පුරාම ඇහෙන්නෙ බණ පිරිත්, පාලකයො හොරු, කට ඇරියොත් කියන්නෙම බොරු, නීතිය රකින ආයතනවලට හොරු පැනල.මේ හැම දෙයකින්ම අපි තැලෙනවා, මිනිස්සුන්ව ඉක්මනින්ම කුපිතකරන්න පුලුවන්.

      Delete
  5. මේවාට වග කියන්න ඕනේ ආණ්ඩුව.පිස්සු බල්ලෝ හුරතල් කරන්න හොඳ නැහැ.යුද්දෙකට යනවා වගේ ගාලු පාරේ යුධ ටැංකි යන්නේ.
    නානසාරට නටන්න දුන්නා වැඩියි.ඒ වගේ ප්‍රතිපල තමයි මේ.

    ReplyDelete
    Replies
    1. නානා කරන්නෙ ඒගොල්ලන්ගෙම කොන්ත්‍රාත්නේද

      Delete
  6. දෙයක් වෙනව ලගදිම ටක්කෙ ට
    ෂොට් එක වදිනව සාරෙගෙ තට්ටෙ ට
    එකවුන්ට් එක නානලා ගොඩ ට
    ඇවිලෙයි තව ජා ති ආලයක් ජය ට.......

    ReplyDelete
    Replies
    1. ඒකනම් වෙන්න පුලුවන් දෙයක්,

      Delete
    2. වාසිය තමන්ට ගන්න පුලුවන්නම් ඒවගෙ කුමන්ත්‍රණත් වෙන්න පුලුවන්, සොමෙගෙ අපවත්වීම නිසා තමයි හෙළ උරුමය නැගල ආවේ.

      Delete
  7. පට්ට හරක්....

    භාහිර බලවේග ඇඟිලි ගහනවලු... භාහිර බලවේගවලට ඇඟිලි ගහන්න දෙයක් නෑ.. ඇඟිලි ගහලා ගහලා බහු සුරතාන්තයටත් පත් කරලා ඉවරයි.. තව ඇඟිලි ගහන්න ගියොත් කෑල්ල මැරෙනවා..

    ReplyDelete
  8. වෙන සාක්කි ඕනෙ වෙන්නෙ නෑ. පුංචි රටේ මුන්ට එකට ඉන්න බෑ කියල ඔප්පු වෙනවා නිකංම.. මුං තමයි බෙදුම්වාදීන්..

    ReplyDelete
  9. මහින්දල පටන් ගත්ත බුද්ධාගම මහින්දලම ඉවරයක් කරල දායි.අපි බලාගෙන ඉමු.

    ReplyDelete
  10. හම්බයන්ට ලියූ වස් කවියක්

    බොදුන් කපනට ගෙනෙන කඩුවෙන් තොපේ බෙල්ලම කැපීයන්
    බොදුන් දවනට ගෙනෙන ගින්නෙන් තොපේ සිරුරම දැවීයන්
    බොදුන් පෙළනට දරන අවියෙන් තොපේ ඇටකටු බිඳීයන්
    බොදුන් හඬවන තොපට හඬනට කඳුළු බිඳකුදු නොවීයන්

    තබන එක පියවරක් පාසා තොපේ සියොළඟ දැවීයන්
    කියන එක රොස්බසක් පාසා තොපේ මුව'ගුළු වැටීයන්
    කරන එක බලුවැඩක් පාසා බලු අහර වී මැරීයන්
    මගේ මවුබිම වනසනා තොප සිය දහස්වර මැරීයන්

    මරන්නට රිසි තොපේ හත්මුතු පරපුරම මරු වැදීයන්
    කපන්නට රිසි තොපේ අත් පා තොපේ දෑතින් කැපීයන්
    පෙළන්නට රිසි තොපේ සියොළඟ සුන් සහල් සේ බිඳීයන්
    දවන්නට රිසි තොපේ කඳබඩ තොපේ ගින්නෙන් දැවීයන්

    බොදුනු කඳුළැලි මල් මිටක් වී හඬනවුන් සිත් නිවේවා
    බොදුනු ගේ දොර සත්මහල් වී සියලු ඉසුරෙන් පිරේවා
    තැවුණු මතකය මකා නව දිවිමගට ආසිරි ලැබේවා
    බොදුනු දෙනුවර යළිදු දිනයෙක එක් රටක් වී දිලේවා

    (වීර සිංහල බෞද්ධයකු විසින් රචිතයි)

    ReplyDelete
  11. ලෝකෙ ගැටුම් තියන තාක් කල් වාසිය කාටද කියලා හොයලා බැලුවොත් ගලගොඩ අත්තේලාගේ, අනෙක් දෙමළ මුස්ලිම් ජාතිවාදීන්ගේ නූල් තියෙන්නෙ කාගෙ අතේද කියලා හිතා ගත්තෑකි.. රස්නෙ යන්ටත් කලින් පිල්ලි නෝනා සුළු ජාතීන්ගේ ආරක්ෂාව සහතික කරන්න කියලා ප්‍රකාශ නිකුත් කරන එකෙන්ම පේනවා ඔවුන් මේ වගේ සිද්දි ගැන කොච්චර උනන්දුද කියලා... ඒ මානව හිමිකම් නිසා කියලද ඔහේලා හිතන්නෙ ? හෙහ් හෙහ් එහෙනම් ඔහේලට වැරදිලා...

    ReplyDelete

ඔබ පොඩි වචනයක් ලිව්වත් මට එය ලොකු හයියක්